တောင်ကြီးတက္ကသိုလ် အင်္ဂလိပ်စာအထူးပြု ကျောင်းသား/သူများ၊ တောင်ကြီးအားမာန် လူမှုရေးအသင်းနှင့် မြတ်စေတနာ ပရဟိတအသင်းတို့ ပူးပေါင်း၍ တောင်ကြီးမြို့ပေါ်ရှိ Quarantine Center များသို့ လှူဒါန်း - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

တောင်ကြီးတက္ကသိုလ် အင်္ဂလိပ်စာအထူးပြု ကျောင်းသား/သူများ၊ တောင်ကြီးအားမာန် လူမှုရေးအသင်းနှင့် မြတ်စေတနာ ပရဟိတအသင်းတို့ ပူးပေါင်း၍ တောင်ကြီးမြို့ပေါ်ရှိ Quarantine Center များသို့ လှူဒါန်း

စုလှိုင်

.

တောင်ကြီးတက္ကသိုလ် အင်္ဂလိပ်စာအထူးပြု ကျောင်းသား/ကျောင်းသူများ၊ တောင်ကြီးအားမာန် လူမှုရေးအသင်းနှင့် မြတ်စေတနာ ပရဟိတအသင်းတို့ ပူးပေါင်း၍ တောင်ကြီးမြို့ပေါ်ရှိ Quarantine Center များတွင် အသွားအလာ ကန့်သတ်ထားသူများအား ထမင်းဘူး များ လှူဒါန်းပေးလျက်ရှိကြောင်း သိရသည်။

.

.

“အဓိက ရည်ရွယ်ချက် ကတော့ တောင်ကြီးမြို့မှာ Quarantine ဝင်နေသူတွေ စားသောက်ရေး အဆင်ပြေဖို့ပါ။ အခု လောလောဆယ်တော့ Center အားလုံးကို မလှူနိုင်သေးဘူး။ ၅ ခု အထိပဲ လှူနိုင်သေးတယ်။ ရန်ပုံငွေတွေ၊ အလှူရှင် တွေ များလာရင် မြို့ပေါ်မှာရှိတဲ့ Quarantine Center အားလုံးကို လှူဒါန်းဖို့ အစီအစဉ်ရှိပါတယ်” ဟု တောင်ကြီး တက္ကသိုလ်၊ အင်္ဂလိပ်စာဘာသာရပ်အထူးပြု တတိယနှစ်ကျောင်းသား မောင်မျိုးလင်းအောင်က ကမ္ဘောဇတိုင်းသို့ ပြောသည်။

.

အဆိုပါ လှူဒါန်းမှုအစီအစဉ်ကို တောင်ကြီးမြို့၊ မင်္ဂလာဂူကျောင်းဆရာတော်မှ ဦးဆောင်၍ တောင်ကြီးတက္ကသိုလ် အင်္ဂလိပ်စာအထူးပြု ကျောင်းသားများအဖွဲ့၊ တောင်ကြီးအားမာန် လူမှုရေးအသင်းနှင့် မြတ်စေတနာ ပရဟိတအသင်း တို့ ပူးပေါင်းကာ အလှူရှင်များ၏ မတည်ငွေများဖြင့် လှူဒါန်းခဲ့ခြင်းဖြစ်ကြောင်း သိရသည်။

.

ထိုသို့ လှူဒါန်းရာတွင် တောင်ကြီးမြို့၊ အထက (၁)၊ (၂)၊ (၅)၊ (၈)၊ အလက (၁၀) ကျောင်းများရှိ Quarantine Center များတွင် အသွားအလာ ကန့်သတ်ထားသူများအား နေ့လယ်စာတစ်ကြိမ်၊ ညစာတစ်ကြိမ်၊ တစ်ရက်လျှင် ၂ ကြိမ်နှုန်းဖြင့် လှူဒါန်းခဲ့ရာ ၈ ရက်အတွင်း ထမင်းဘူး ၂၀၀၀ ကျော်၊ တန်ဖိုးငွေကျပ် သိန်း ၂၀ ကျော် ကူညီထောက်ပံ့ လှူဒါန်းနိုင်ခဲ့ပြီးဖြစ်ကြောင်း သိရသည်။

.

Journal Download

Photo of three cats