တောင်ကြီးမြို့၊ အထက (၅) Quarantine Center တွင် အသွားအလာ ကန့်သတ်ထားသည့် ကလေးငယ်တစ်ဦး ကွယ်လွန် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

တောင်ကြီးမြို့၊ အထက (၅) Quarantine Center တွင် အသွားအလာ ကန့်သတ်ထားသည့် ကလေးငယ်တစ်ဦး ကွယ်လွန်

စုလှိုင်

.

တောင်ကြီးမြို့၊ အမှတ် (၅) အခြေခံပညာအထက်တန်းကျောင်းရှိ Quarantine Center တွင် အသွားအလာ ကန့်သတ် ထားသည့် အသက် ၆ နှစ်အရွယ် ကလေးငယ်တစ်ဦး ယမန်နေ့ ဒီဇင်ဘာလ ၁၅ ရက်၊ ညပိုင်းက ကွယ်လွန်ခဲ့ကြောင်း သိရသည်။

.

.

“ကလေးငယ် ဆုံးတာ ဟုတ်ပါတယ်။ သူ့ရဲ့ ဓါတ်ခွဲအဖြေက ရပြီးသားပါ။ Negative ပါ။ အမှန်ဆိုရင် ဒီနေ့ ပြန်ရမှာပါ” ဟု အထက (၅) Quarantine Center တာဝန်ကျ ဒေါ်ရီရီသိန်းက ကမ္ဘောဇတိုင်းသို့ ပြောသည်။

.

ထို့အတူ တောင်ကြီးမြို့နယ် ပြည်သူ့ကျန်းမာရေးဦးစီးဌာနမှူး ဒေါက်တာမိုးထွန်း ကလည်း “ကင်ဆာရောဂါနဲ့ ဆုံးတာပါ။ သူ့ရဲ့ ဓါတ်ခွဲအဖြေက Negative ပါ” ဟု ပြောဆိုခဲ့သည်။

.

အဆိုပါ ကွယ်လွန်သူ ကလေးငယ်သည် ကင်ဆာရောဂါ အခံရှိသူဖြစ်ပြီး မန္တလေးမြို့တွင် သွားရောက်ဆေးကုသမှု ခံယူပြီးနောက် တောင်ကြီးမြို့သို့ ပြန်လာကာ အထက (၅) Quarantine Center တွင် ဝင်ရောက်နေသူဖြစ်ကြောင်း သိရသည်။

.

ကလေးငယ်နှင့်အတူ မိဘ ၂ ဦးလုံးသည် Quarantine ဝင်ရောက်နေခြင်းဖြစ်ပြီး မိဘများတွင်လည်း COVID-19 ရောဂါပိုးမရှိကြောင်း ဓါတ်ခွဲအဖြေ ရရှိပြီးဖြစ်သည်ဟု သိရသည်။

.


Journal Download

Photo of three cats