အောင်ပန်းရှိ Quarantine Center တွင် အသွားအလာ ကန့်သတ်ထားသည့် အမျိုးသားတွင် COVID-19 ပိုး တွေ့ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, December 2, 2020

အောင်ပန်းရှိ Quarantine Center တွင် အသွားအလာ ကန့်သတ်ထားသည့် အမျိုးသားတွင် COVID-19 ပိုး တွေ့

စုလှိုင်

.

ကလောမြို့နယ်၊ အောင်ပန်းမြို့ရှိ မိုးကုတ်ရိပ်သာ Quarantine Center တွင် အသွားအလာ ကန့်သတ်ထားသူများအား ယနေ့ (ဒီဇင်ဘာလ ၂ ရက်)၊ နံနက်ပိုင်းက RDT ဖြင့် စစ်ဆေးရာ အမျိုးသားတစ်ဦးထံတွင် COVID -19 ပိုး တွေ့ခဲ့ကြောင်း သိရသည်။

.

Quarantine Center မှာ တစ်ယောက် တွေ့တာ ဟုတ်ပါတယ်။ အမျိုးသားပါ။ အင်းစိန်က ပြန်လာတဲ့ ယာဉ်မောင်းပါ။ သူက အောင်ပန်းရပ်ကွက်()မှာ နေတဲ့သူ ဖြစ်ပါတယ်။ ဟု အောင်ပန်းမြို့၊ မိုးကုတ်ရိပ်သာ Quarantine Center မှ တာဝန်ရှိသူ တစ်ဦးက ကမ္ဘောဇတိုင်းသို့ ပြောသည်။

.

အဆိုပါ COVID -19 ပိုး တွေ့ရှိခဲ့သူမှာ အသက် ၂၉ နှစ်အရွယ် အမျိုးသား ဖြစ်ပြီး အောင်ပန်းမြို့၊ မိုးကုတ် Quarantine Center တွင် နိုဝင်ဘာလ ၂၉ ရက်မှ စ၍ Quarantine ဝင်ရောက်နေသူ ဖြစ်ကြောင်း သိရသည်။

.

အောင်ပန်းမြို့ရှိ မိုးကုတ် Quarantine Center ၌ လက်ရှိတွင် Quarantine ဝင်ရောက်နေသည့် အသွားအလာ ကန့်သတ်ထားသူ အမျိုးသား ၈၄ ဦး၊ အမျိုးသမီး ၂၇ ဦး၊ စုစုပေါင်း ၁၁၁ ဦး ရှိကြောင်း သိရသည်။

No comments:

Post a Comment

Journal Download

Photo of three cats