နမ္မတူမြို့နယ်၊ ပန်ဟိုက်ရပ်ကွက် (၈)တွင် ဒီဇင်ဘာလ ၂၉ ရက်၊ ည ၆ နာရီ ၄၅ မိနစ်ခန့်က မီးဖို မီးကြွင်း/မီးကျန်မှတစ်ဆင့် နေအိမ်တစ်လုံး မီးလောင်ကျွမ်းမှု ဖြစ်ပွားခဲ့ကြောင်း သိရသည်။
.
မီးလောင်မှု ဖြစ်ပွားရာ နေရာသို့ နမ္မတူမြို့နယ် မီးသတ်ဦးစီးဌာနမှ မီးသတ်ဦးစီးမှူးနှင့် မီးသတ်တပ်ဖွဲ့ဝင်များ၊ တာဝန်ရှိသူများ၊ ဒေသခံများက မီးသတ်ယာဉ် ၂ စီးဖြင့် ဝိုင်းဝန်း မီးငြိမ်းသတ်ခဲ့ကြောင်း သိရသည်။
.
ယင်းကဲ့သို့ မီးလောင်ကျွမ်းမှုကြောင့် နမ္မတူမြို့နယ်၊ ပန်ဟိုက်ရပ်ကွက် (၈)ရှိ ဦးထွန်းရင်၏ နေအိမ်နှင့် ဆိုင်ကယ် ၁ စီးဆုံးရှုံးခဲ့ပြီး လူနှင့် တိရစ္ဆာန်ထိခိုက်ဆုံးရှုံးမှု မရှိကြောင်း နမ္မတူမြို့နယ် မီးသတ်ဦးစီးဌာနမှ မြို့နယ်ဦးစီးမှူး ဦးဝဏ္ဏထွန်းအေးထံမှ သိရသည်။
.
အဆိုပါ မီးလောင်ကျွမ်းမှုနှင့် ပတ်သက်၍ ဦးထွန်းရင်အား နမ္မတူမြို့မရဲစခန်းတွင် ရာဇသတ်ကြီးပုဒ်မ - ၂၈၅ ဖြင့် အမှုဖွင့်အရေးယူ ဆောင်ရွက်ထားကြောင်း သိရသည်။
