မိုင်းယောင်းတွင် အသွားအလာကန့်သတ်ထားသူ ၃၃ ဦးကို အိမ်ပြန်ခွင့်ပြု - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

မိုင်းယောင်းတွင် အသွားအလာကန့်သတ်ထားသူ ၃၃ ဦးကို အိမ်ပြန်ခွင့်ပြု

အားချာ

.

တာချီလိတ်ခရိုင်၊ မိုင်းယောင်းမြို့နယ်အတွင်းရှိ Community Based Facility Quarantine Center များတွင် အသွားအလာ ကန့်သတ်စောင့်ကြည့်ထားသူများအနက် ၁၄ ရက်ပြည့်ပြီး COVID-19 ရောဂါပိုး မတွေ့ရှိသူ ၃၃ ဦးကို ယမန်နေ့ ဒီဇင်ဘာလ ၁၄ ရက်၊ ညနေပိုင်းက နေအိမ်သို့ ပြန်ခွင့်ပြုခဲ့သည်ဟု သိရသည်။

.


.

ထိုသို့ အသွားအလာ ကန့်သတ်စောင့်ကြည့်ထားသူများအား နေအိမ်ပြန်ခွင့်ပြုရာတွင် မိုင်းယောင်းမြို့နယ် COVID-19 ရောဂါ ကာကွယ်၊ ထိန်းချုပ်၊  ကုသရေးလုပ်ငန်းကော်မတီဥက္ကဌ မြို့နယ်အုပ်ချုပ်ရေးမှူး ဦးညီညီဝင်းက အိမ်ပြန်ခွင့် ရသူများအား COVID-19 ရောဂါ ကာကွယ်ရေးအတွက် ကျန်းမာရေးနှင့်အားကစားဝန်ကြီးဌာန၏ ညွှန်ကြားချက် များနှင့်အညီ နေထိုင်ရေးအတွက် ရှင်းလင်းပြောဆိုခဲ့သည်ဟု သိရသည်။

.

ထို့နောက် မြို့နယ်အုပ်ချုပ်ရေးမှူး ဦးညီညီဝင်း၊ မြို့နယ်ရဲတပ်ဖွဲ့မှူး ရဲမှူး မျိုးမြင့်ဦးနှင့် ဌာနဆိုင်ရာအကြီးအကဲများ၊ ကျန်းမာရေးမှူး ဦးမြတ်စိုးအောင်၊ မြို့မိမြို့ဖများ၊ ကြက်ခြေနီသူနာပြုတပ်ဖွဲ့မှူး ဦးသန့်ဇင်ဦးနှင့် အဖွဲ့ဝင်များ၊ လူမှုရေး အသင်းဝင်များနှင့် သက်ဆိုင်ရာ ရပ်/ကျေးအုပ်ချုပ်ရေးမှူးများက အိမ်ပြန်ခွင့်ရသူတစ်ဦးချင်းအား အသွားအလာ ကန့်သတ်ကာလ နေထိုင်ပြီးစီးကြောင်း ကျန်းမာရေးထောက်ခံစာများကို ပေးအပ်ခဲ့ကြောင်း သိရသည်။

.

အဆိုပါ နေအိမ်ပြန်ခွင့်ရသူများသည် တာချီလိတ်မြို့မှ မိုင်းယောင်းမြို့သို့ ပြန်လာ၍ သက်ဆိုင်ရာ Community Based Facility Quarantine Center များဖြစ်သည့် မြို့နယ်မိုးလုံလေလုံအားကစားရုံမှ ၁၀ ဦး၊ အလက (တပ်တွင်း)မှ ၃ ဦး၊ အမက (၅) ကျောင်းမှ ၁၈ ဦး၊ နမ့်ခပ်မှ တစ်ဦးနှင့် The Mong Yawng (မိုင်းယောင်း)မှ တစ်ဦး စုစုပေါင်း ၃၃ ဦးတို့ ဖြစ်ပြီး ၎င်းတို့၏ ဓါတ်ခွဲနာမူနာ ဆေးစစ်ချက်များအရ COVID-19 ရောဂါပိုး မတွေ့ရှိခဲ့ကြောင်းနှင့် နေအိမ်တွင် နောက်ထပ် Home Quarantine အသွားအလာကန့်သတ် ရက်သတ္တပတ်ကြာ ဆက်လက်နေထိုင်ကြရမည်ဖြစ်ကြောင်း  မြို့နယ်အထွေထွေအုပ်ချုပ်ရေးဦးစီးဌာနမှ သိရသည်။

.


Journal Download

Photo of three cats