ထွန်းထွန်းထူး
.
ကျိုင်းတုံခရိုင် မိုင်းယန်းမြို့နယ်အတွင်းရှိ
ကျေးရွာ ၂ ရွာတွင် ၂၀၂၀-၂၀၂၁ ဘဏ္ဍာရေးနှစ် မြို့နယ်ကျေးလက်ဒေသ ဖွံ့ဖြိုးတိုးတက်ရေးဦးစီးဌာန
ခွင့်ပြုရန်ပုံငွေဖြင့် ကုန်ထုတ်လမ်း ၂ လမ်း ဖောက်လုပ်ဆောင်ရွက်မည်ဖြစ်ကြောင်း သိရသည်။
.
.
အဆိုပါ ကုန်ထုတ်လမ်းဖောက်လုပ်ခြင်းလုပ်ငန်းများအတွက်
၂၀၂၀-၂၀၂၁ ဘဏ္ဍာရေးနှစ်အတွင်း ခွင့်ပြုရန်ပုံငွေကျပ် ၁၁၉ သန်းကျော်ဖြင့် အကောင်အထည်ဖော်ဆောင်ရွက်မည်ဖြစ်ရာ
ယခုအခါ လုပ်ငန်းများ ဆောင်ရွက်နိုင်ရေး တင်ဒါ ခေါ်ယူမှုဆောင်ရွက်လျက်ရှိကြောင်း
မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန ဦးစီးမှူးဦးသက်လင်းထွန်း ထံက သိရသည်။
.
ထိုသို့
ကုန်ထုတ်လမ်းများဖောက်လုပ်ခြင်းအောင်မြင်စွာဆောင်ရွက် ပြီးစီးပါက ကျေးရွာ ၂ ရွာရှိ
အိမ်ခြေ ၁၁၁ အိမ်မှ လူဦးရေ ၇၉၁ ဦးခန့် ၏
သွားလာမှုနှင့်ကုန်စည်စီးဆင်းမှုမြန်ဆန်နိုင်ရုံသာမက လယ်ယာဧက ၁၈၀ ကျော်မှ ထွက်ကုန်သီးနှံများကို
ကုန်ကျစရိတ်သက် သာစွာဖြင့် အလွယ်တကူသယ်ယူပို့ဆောင်နိုင်မည်ဖြစ်ကြောင်း သိရသည်။
.
