မိုင်းယုမြို့ရှိ ကျန်းမာရေးစစ်ဆေးရေးဂိတ်တွင် သွားလာခွင့်ကတ်နှင့် M.O ပါမှသာ ဝင်/ထွက်ခွင့် ပြုမည် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

မိုင်းယုမြို့ရှိ ကျန်းမာရေးစစ်ဆေးရေးဂိတ်တွင် သွားလာခွင့်ကတ်နှင့် M.O ပါမှသာ ဝင်/ထွက်ခွင့် ပြုမည်

ကိုကိုနိုင်

.



တာချီလိတ်ခရိုင်၊ မိုင်းယုမြို့ ဟိုခိုတံတားအနီးရှိ ကျန်းမာရေး စစ်ဆေးရေးဂိတ်တွင် ခရီးသွားလာသူများအား သက်ဆိုင်ရာ အုပ်ချုပ်ရေးမှူး၏ သွားလာခွင့် ကတ်ပြားနှင့် ဌာနဆိုင်ရာ ဝန်ထမ်း ဖြစ်ပါက M.O ပါမှသာ ဝင်/ထွက် သွားလာခွင့် ပြု​တော့မည် ဖြစ်ကြောင်း မြို့ COVID-19 ရောဂါကာကွယ်၊ ထိန်းချုပ်၊ ကုသရေးလုပ်ငန်းကော်မတီမှ အသိပေး နိုးဆော်ထားသည်။

.

တာချီလိတ်၊ မိုင်းဖြတ်နှင့် မိုင်းယောင်းမြို့နယ်တို့တွင် COVID-19 ရောဂါ ပိုးတွေ့ရှိသူ ဦးရေများ နေ့စဉ် တိုးလာသည်နှင့်အမျှ နယ်စပ်ဒေသ မိုင်းယုမြို့တွင် ရောဂါ ကင်းစင်နေ သဖြင့် ဌာနဆိုင်ရာများနှင့် ဒေသခံပြည်သူများ ရောဂါကူးစက်ခံရမှု မရှိစေရန်အတွက် ယင်းကဲ့သို့ ​ဆောင်ရွက်ခြင်း ဖြစ်​ကြောင်း သိရသည်။

.

မိုင်းယောင်းမြို့နယ်မှ လာသူများအား မိုင်းယောင်းမြို့နယ်ရှိ ရပ်/ကျေးအုပ်စုအုပ်ချုပ်ရေးမှူးမှ ထုတ်ပေးသည့် သွားလာခွင့်ကတ် ပါမှသာ မိုင်းယုမြို့သို့ ဝင်ခွင့်ပြုမည် ဖြစ်ပြီး အလားတူ မိုင်းယုမြို့ ဒေသခံပြည်သူများကလည်း မိုင်းယောင်းမြို့နယ်သို့ သွားပါက မိုင်းယုမြို့ရှိ သက်ဆိုင်ရာ ရပ်/ကျေးအုပ်စု အုပ်ချုပ်ရေးမှူး၏ သွားလာခွင့်ကတ်ပြားပါမှသာ သွားလာ ခွင့်ပြုမည်ဖြစ်ကြောင်း သိရသည်။

.

အလားတူ မိုင်းယုမြို့၏ ဌာနဆိုင်ရာများအနေဖြင့်လည်း မြို့တွင်းသွားလာပါက ကတ်ပြားပြရန် မလိုဘဲ ကျန်းမာရေးစစ်ဆေးရေးဂိတ်၌ လက်မှတ် ရေးထိုးရန်သာ လိုအပ်ပြီး မိုင်းယောင်းမြို့နယ် ပြင်ပသွားပါက (M.O) ယူဆောင်သွားရန် လိုအပ်ပြီး မပါက Home Quarantine ၇ ရက်နေ၍  Antigen (RDT)Test Kit ဖြင့် စစ်ဆေးမှုများကို ဟိုခိုတံတားအနီး ကျန်းမာရေးစစ်ဆေးဂိတ်တွင် ဆောင်ရွက်ရန် လမ်းညွှန် မှာကြားထားကြောင်း သိရသည်။

Journal Download

Photo of three cats