ကျောက်မဲမြို့နယ်တွင် မူးယစ်ဆေးဝါးများဖမ်းဆီးရမိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, December 28, 2020

ကျောက်မဲမြို့နယ်တွင် မူးယစ်ဆေးဝါးများဖမ်းဆီးရမိ

မိုင်းထွန်း (ကျောက်မဲ)

.

ကျောက်မဲမြို့နယ်တွင် ယနေ့ ဒီဇင်ဘာလ ၂၈ ရက်၊ နံနက်ပိုင်းက ငွေကျပ်တန်ဖိုး ၈ သိန်း ခန့်ရှိ ဘိန်းဖြူဟု ယူဆရသော ဖြူ/ဝါရောင်အမှုန့် ၅၃ ဂရမ်ခန့်အား ဖမ်းဆီးရမိခဲ့ကြောင်း သိရသည်။

.

.

ကျောက်မဲမြို့မရဲစခန်းမှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် ဒီဇင်ဘာလ ၂၈ ရက်၊ နံနက် ၉ နာရီခွဲခန့်က ကျောက်မဲမြို့၊ ရပ်ကွက် (၁)၊ နယ်မြေ (၆) နေ စိုင်းနေထွန်းလေး ဆိုသူ၏ နေအိမ်အး မူးယစ်ဆေးဝါး ရောင်းချနေ ကြောင်း သတင်းအရ ဝင်ရောက်ရှာဖွေရာ ၎င်းအား နေအိမ်တွင် တွေ့ရပြီး  ၎င်းဘေးရှိ ကော်ဘူးအတွင်းနှင့် နေအိမ် ခြံဝင်းအတွင်း မြေကျင်းတူး မြှုပ်ထားသည့် ဆပ်ပြာခွက်များအတွင်းမှ ဘိန်းဖြူဟု ယူဆရသော ဖြူ/ဝါရောင်အမှုန့် အလေးချိန်စုစုပေါင်း ၅၃ ဂရမ်ခန့်ကို ဖမ်းဆီးရမိခဲ့ခြင်းဖြစ်ကြောင်း သိရသည်။

.

အဆိုပါ မူးယစ်ဆေးဝါးကို သုံးစွဲ ရောင်းချရန်အလို့ငှာ လက်ဝယ်ထားရှိသူ စိုင်းနေထွန်းလေး အား ကျောက်မဲမြို့မ ရဲစခန်းတွင် မယ(ပ) ၅၅/၂၀၂၀ မူး/စိတ် ပုဒ်မ-၁၉(က)ဖြင့် အမှုဖွင့် အရေးယူထားကြောင်းသိရသည်။

.


No comments:

Post a Comment

Journal Download

Photo of three cats