ကလောသစ်တောကြိုးဝိုင်းအတွင်း ထင်းရှူးပင်ခုတ်ယူသူ ၄ ဦးကို အရေးယူ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ကလောသစ်တောကြိုးဝိုင်းအတွင်း ထင်းရှူးပင်ခုတ်ယူသူ ၄ ဦးကို အရေးယူ

စုလှိုင်

.

တောင်ကြီးခရိုင်၊ ကလောမြို့နယ်၊ ကလောသစ်တောကြိုးဝိုင်းအတွင်း ထင်းရှူးပင် ခုတ်ယူသူ ၄ ဦးကို ဒီဇင်ဘာလ ၂၀ ရက်က အမှုဖွင့်အရေးယူထားသည်ဟု သိရသည်။

.



.

“တရားစွဲထားတာဟုတ်ပါတယ်။ ထင်ရှူးပင်တစ်ပင်ကို ခုတ်တယ်။ ၆ ပင်က ကိုင်းချိုင်တယ်။ လမ်းဟောင်းကို ထွန်ယက်ပြုပြင်ပြီးတော့ သစ်တောဦးစီးဌာနက ခွင့်ပြုချက်မရှိဘဲနဲ့ မြေပြုပြင်လို့ပါ” ဟု ကလောမြို့နယ် သစ်တော ဦးစီးဌာနမှ ဦးစည်သူလင်းက ကမ္ဘောဇတိုင်း သို့ ပြောသည်။

.

အဆိုပါ ထင်းရှူးပင် ခုတ်ထွင်သူ ၄ ဦး အား ကလောမြို့နယ် သစ်တော ဦးစီးဌာနမှ သစ်တောဥပဒေ ပုဒ်မ ၄၀ (က) ၃ နှင့် ထင်ရူးပင်ခုတ်ခြင်းအတွက် ၄၂ (က)ဖြင့် အရေးယူထားကြောင်း သိရသည်။

.

ဒေသခံပြည်သူများအနေဖြင့် ပြည်သူဗဟိုပြုသော သတင်းပေးစနစ်ဖြင့် သစ်တောဦးစီးဌာနသို့ အကူအညီ သတင်းပေးပို့ စေလိုကြောင်း ရှမ်းပြည်နယ်သစ်တောဦးစီးဌာနမှ သိရသည်။

.

#KBZTai #Shan #KaLaw #SuHlaing

.


Journal Download

Photo of three cats