ကလောမြို့နယ်၊ နန်းနိုင်ကျေးရွာအုပ်စု၊ စလုံးတောင်ကျေးရွာအနီးရှိ ဘိန်းစိုက်ခင်း ၅ ဧက ခန့်အား ဖျက်ဆီး

ကမ္ဘောဇတိုင်း

.

ကလောမြို့နယ်ရဲတပ်ဖွဲ့မှူး ဦးဆောင်သော ပူးပေါင်းအဖွဲ့သည် ဒီဇင်ဘာလ ၁၂ ရက်က ကလော မြို့နယ်၊ နန်းနိုင်ကျေးရွာအုပ်စု၊ စလုံးတောင်ကျေးရွာအနီးရှိ ဘိန်းစိုက်ခင်း ၅ ဧကခန့်အား ဖျက်ဆီးခဲ့သည်ဟု သိရသည်။

.

.

ထိုသို့ ဖျက်ဆီးရာတွင် ကလောမြို့နယ်ရဲတပ်ဖွဲ့မှူး ရဲမှူး အောင်မျိုးလွင်နှင့်အတူ တပ်မတော်သားများ၊ မြို့နယ် အထွေထွေအုပ်ချုပ်ရေးဦးစီးဌာနနှင့် ဌာနဆိုင်ရာများ ပါဝင်သော အဖွဲ့သည် စလုံးတောင်ကျေးရွာ၏ အနောက်မြောက် ဘက် ၄ မိုင်ခန့်အကွာရှိ အမြင့် ၄ ပေခွဲအရွယ် ဖူးပွင့်ဆဲ ဘိန်းခင်း ၅ ဧကခန့်အား ဖျက်ဆီးခဲ့ခြင်းဖြစ်ကြောင်း သိရသည်။

.

ကလောမြို့နယ်ရဲတပ်ဖွဲ့ အနေဖြင့် ၂၀၂၀-၂၀၂၁ ဘိန်းစိုက်ရာသီအတွင်း စုစုပေါင်း ဘိန်းစိုက်ခင်း ၁၇ ဧကခန့်အား ဖျက်ဆီးနိုင်ခဲ့ပြီးဖြစ်ကြောင်း သိရသည်။

.