ကလောမြို့နယ်၊ အောင်ပန်း-ပင်လောင်း လမ်းခွဲအနီးတွင် ဆိုင်ကယ် ၂ စီး တိုက်မိပြီး တစ်ဦးသေဆုံးကာ ၂ ဦး ဒဏ်ရာရ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ကလောမြို့နယ်၊ အောင်ပန်း-ပင်လောင်း လမ်းခွဲအနီးတွင် ဆိုင်ကယ် ၂ စီး တိုက်မိပြီး တစ်ဦးသေဆုံးကာ ၂ ဦး ဒဏ်ရာရ

ခွန်သန်းအောင်

.

ကလောမြို့နယ်၊ ကျောက်တန်းကျေးရွာ၊ ‌အောင်ပန်း-ပင်လောင်း လမ်းခွဲအနီး၊ ပြည်ထောင်စုလမ်းမကြီးပေါ်တွင် ယနေ့ ဒီဇင်ဘာလ ၁၄ ရက်၊ ညနေပိုင်းက ဆိုင်ကယ် ၂ စီး တိုက်မိပြီး တစ်ဦး သေဆုံးကာ ၂ ဦး ဒဏ်ရာရရှိခဲ့ကြောင်း သိရသည်။

.


.

ပင်လောင်းမြို့နယ်၊ မင်းဘူးကျေးရွာအုပ်စု၊ ပင်ထုံကျေးရွာနေ သိန်းဦး (၃၀ နှစ်) မောင်းနှင်ပြီး မသဲဖြူ လိုက်ပါစီးနင်း လာသော မော်တော်ဆိုင်ကယ်သည် ဒီဇင်ဘာလ ၁၄ ရက်၊ ညနေ ၅ နာရီခွဲ ခန့်က အောင်ပန်း ဘက်မှ ပင်လောင်းဘက်သို့ မောင်းနှင်လာစဉ် ကလောမြို့နယ်၊ ကျောက်တန်းကျေးရွာ၊ အောင်ပန်း-ပင်လောင်းလမ်းခွဲအနီး၊ မိုင်တိုင်အမှတ် (၇၆/၁) နှင့် (၇၆/၂) ကြား အရောက် ပင်လောင်းလမ်းခွဲဘက်သို့ ချိုးကွေ့စဉ် ပြည်ထောင်စုလမ်းမကြီး အတိုင်း ကလောဘက်မှ အောင်ပန်းဘက်သို့ အောင်ပန်းမြို့၊ လှည်းရိုးရပ်ကွက်နေ ခွန်လှမျိုး မောင်းနှင်လာသည့် ဆိုင်ကယ်နှင့် အရှိန်မထိန်းနိုင်ဘဲ ဝင်ရောက် တိုက်မိခဲ့ခြင်းဖြစ်ကြောင်း သိရသည်။

.

ယာဉ်တိုက်မှုကြောင့် ဆိုင်ကယ်ယာဉ်မောင်း သိန်းဦးတွင် ဝဲဘက်နားထင် သွေးထွက်ဒဏ်ရာ၊ ယာဦးခေါင်း ပိန်ချိုင့် ဒဏ်ရာ၊ နှာခေါင်းသွေးထွက်ဒဏ်ရာ၊ မသဲဖြူတွင် နဖူး ဖူးယောင်ဒဏ်ရာ၊ ပါးစပ် သွေးထွက်ဒဏ်ရာနှင့် ခွန်လှမျိုးတွင် အောက်နှုတ်ခမ်း ပေါက်ပြဲဒဏ်ရာ၊ ရှေ့သွားကျိုး၊ ညာခြေညှိုး ပေါက်ပြဲဒဏ်ရာ၊ ဝဲ/ယာဒူး နာကျင်ဒဏ်ရာများ ရရှိခဲ့ သဖြင့် အောင်ပန်းတိုက်နယ်ဆေးရုံသို့ ပို့ဆောင်ပေးခဲ့ရာ သိန်းဦးမှာ ရရှိဒဏ်ရာများဖြင့် သေဆုံး သွားခဲ့ကြောင်း သိရသည်။

.

အဆိုပါ ယာဉ်တိုက်မှုမှ ဆိုင်ကယ်အား မဆင်မခြင် မောင်းနှင်ပြီး ဦးစားပေးလမ်းမှ ယာဉ်အား စောင့်ဆိုင်းခြင်း မရှိဘဲ ချိုးကွေ့မောင်းနှင်စဉ် မိမိကိုယ်တိုင် ဒဏ်ရာရသေဆုံးစေသူ သိန်းဦးအား ကလောမြို့မရဲစခန်းတွင် ယာဉ် (ပ) ၃၅/၂၀၂၀၊ ရာဇသတ်ကြီးပုဒ်မ ၂၇၉/၃၃၇/၃၃၈/၃၀၄-က အရ အမှုဖွင့်စစ်ဆေး ဆောင်ရွက်လျက် ရှိကြောင်း သိရသည်။

.


Journal Download

Photo of three cats