ကွမ်းလုံမြို့နယ်တွင် ငွေကျပ်သိန်း ၃၂၀၀ တန်ဖိုးရှိ ဘိန်းညိုမှုန့်များနှင့် ခဲယမ်းများ ဖမ်းဆီးရမိ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ကွမ်းလုံမြို့နယ်တွင် ငွေကျပ်သိန်း ၃၂၀၀ တန်ဖိုးရှိ ဘိန်းညိုမှုန့်များနှင့် ခဲယမ်းများ ဖမ်းဆီးရမိ

ကွမ်းလုံမြို့နယ်တွင် ငွေကျပ်သိန်း ၃၂၀၀ တန်ဖိုးရှိ ဘိန်းညိုမှုန့်များနှင့် ခဲယမ်းများကို မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များ ပါဝင်သော ပူးပေါင်းအဖွဲ့က ဒီဇင်ဘာလ ၂၄ ရက်ညနေပိုင်းတွင် ဖမ်းဆီးရမိခဲ့ကြောင်း သိရသည်။

.


မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် ကွမ်းလုံမြို့နယ်၊ ကွမ်းလုံ-သိန္နီသွား ကားလမ်း၊ ကန်မိန်းလမ်းဆုံ အနီး၌ သတင်းအရ TOYOTA Vigo အမျိုးအစား မော်တော်ယာဉ်ကို စစ်ဆေးရန် ရပ်တန့်ခိုင်းစဉ် ရပ်တန့်ခြင်း မရှိဘဲ နောက်ပြန်လှည့် မောင်းနှင်ထွက်ပြေးသဖြင့် လိုက်လံ ဖမ်းဆီးရာ ကန်မိန်းကျေးရွာ အနီးတွင် ၎င်းမော်တော်ယာဉ်အား ဂျုံးမီ(ခ)ဆန်းသီ၊ လောက်ဝူ(ခ)လီမင်ချန်(ခ)ကျော်ထွေး၊ ရန်ဖာဝမ်(ခ)ဝူသီး(ခ) ကျော်ခိုင် တို့နှင့်အတူ ဖမ်းဆီးရမိခဲ့ပြီး မော်တော်ယာဉ်အားရှာဖွေရာ ယာဉ်၏ ရှေ့တံခါး ဝဲ/ယာအတွင်းနှင့် နောက်ကြမ်းခင်း အံဝှက်အတွင်းတို့မှ ဘိန်းညိုမှုန့် ၆၄ ကီလို၊ ၉ မမ ကျည် ၁၀၀ တောင့်နှင့် ပွိုင့် ၂၂ ကျည် ၈၀၀ တောင့်တို့ကို သိမ်းဆည်းရမိခဲ့ခြင်း ဖြစ်ကြောင်း သိရသည်။

.

အဆိုပါ ဘိန်းညိုမှုန့်များခဲယမ်းများနှင့်အတူ ဖမ်းဆီးရမိသူများအား ဥပဒေအရ အမှုဖွင့်အရေးယူထားကြောင်းနှင့် ယင်းဖမ်းဆီးရမိ ဘိန်းညိုမှုန့်များသည် ရှမ်းပြည်နယ်တောင်ပိုင်း၊ နမ့်စန်မြို့မှ ရှမ်းပြည်နယ်မြောက်ပိုင်း၊ ကွမ်းလုံ မြို့နယ်သို့ သယ်ဆောင်ခြင်း ဖြစ်ကြောင်း မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့က ထုတ်ပြန်ထားသည်။

Journal Download

Photo of three cats