ကလောမြို့နယ်၊ ငုံးသုံကျေးရွာတွင် ရေကန်တူးစဥ် မြေပြိုကျ၍ လူ ၃ ဦး သေဆုံး

ကလောမြို့နယ်၊ ငုံးသုံကျေးရွာ၌ ဒီဇင်ဘာလ  ၂၄ ရက်၊ နေ့လယ် ၁ နာရီခွဲခန့်တွင် ရေကန်တူးစဥ် မြေ ပြိုကျသဖြင့် လူ ၃ ဦး သေဆုံးခဲ့ကြောင်း သိရသည်။

.

သေဆုံးသူများမှာ ငုံးသုံကျေးရွာနေ ကိုကျော်လွင်၊ မမိုးမိုးနှင့် မမိမွှေးတို့ ဖြစ်ပြီး ညနေ ၄ နာရီအထိ သေဆုံးသူ ရုပ်အ​လောင်း ၂ ခုကိုသာ တူးဖော်​တွေ့ရှိထားပြီး ကျန်အမျိုးသမီး အ​လောင်းကို မ​တွေ့ရှိ​သေး​ကြောင်း သိရသည်။

.

" လောလောဆယ် တစ်လောင်းကျန်လို့ တူးဖော် ရှာ​ဖွေ​နေဆဲပါ" ဟု ယင်း​နေရာတွင် ​ရောက်ရှိ​နေသည့် က​မ္ဘောဇတိုင်းသတင်းထောက်က ပြောသည်။

.

သေဆုံးသူများသည် ၄င်းတို့ပိုင် ခြံဝင်းအတွင်း၌ ရေကန် တူးဖော်​နေစဥ် အနက် ၁၃ ပေခန့် အရောက်တွင် မြေသားများ ပြိုကျ ပိကာ သေဆုံးရခြင်း ဖြစ်ကြောင်း သိရသည်။

.

[Edit]

ကျန်ရှိသည့် အမျိုးသမီး ရုပ်အ​လောင်းကို ည​နေ ၄ နာရီခွဲတွင် ​တွေ့ရှိပြီ ဖြစ်​ကြောင်း သိရသည်။