တောင်ကြီးမြို့တွင် အမျိုးသမီး ၂ ဦးထံမှ COVID-19 ပိုး တွေ့ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, December 25, 2020

တောင်ကြီးမြို့တွင် အမျိုးသမီး ၂ ဦးထံမှ COVID-19 ပိုး တွေ့

တောင်ကြီးမြို့တွင် ယခင် ပိုးတွေ့ အတည်ပြုလူနာ အမျိုးသမီးနှင့် ထိတွေ့မှု ရှိသူများအား အသွားအလာ ကန့်သတ်ပြီးနောက် ယနေ့ (ဒီဇင်ဘာလ ၂၅ ရက်)တွင် RDT ဖြင့် စစ်ဆေးရာ အမျိုးသမီး ၂ ဦးတွင် COVID-19 ပိုး တွေ့ရှိခဲ့ကြောင်း သိရသည်။

.

“ မနေ့က ဆေးရုံ(စဝ်စံထွန်း)မှာ Positive ထွက်တဲ့ လူနာနဲ့ ဆက်စပ်တဲ့ ၃ ယောက်ကို Test Kit နဲ့ စစ်တာ၊ အမျိုးသမီး ၂ ယောက်မှာ ပိုးတွေ့တာ။ ထိတွေ့သူတွေကိုတော့ လိုက်ပြီး စုံစမ်းနေတုန်းပဲ။”ဟု ရှမ်းပြည်နယ် ကုသရေးနှင့် ပြည်သူ့ကျန်းမာရေးဦးစီးဌာနမှ ဒေါက်တာ ဇဝနကိုက ကမ္ဘောဇတိုင်းသို့ ပြောသည်။

.

မြန်မာနိုင်ငံ တစ်ဝှမ်းတွင် COVID-19 ကာကွယ်၊ ထိန်းချုပ်၊ ကုသရေးအတွက် ကန့်သတ်မှု အချို့အား ဖြေလျော့မှု ပြုလုပ်ခဲ့ပြီးနောက် တောင်ကြီးမြို့တွင် ယခုရက်ပိုင်းအတွင်း COVID-19 ပိုးတွေ့ရှိသူများ ဆက်တိုက် တွေ့ရှိလာနေခြင်း ဖြစ်ပြီး ပြည်သူများ အနေဖြင့် တတ်နိုင်သမျှ မိမိနေအိမ်၌သာ နေထိုင်ခြင်း၊ လူစုလူဝေး ရှောင်ရှားခြင်း၊ Mask ကို စနစ်တကျ တပ်ဆင်ခြင်းနှင့် လက်ဆေးခြင်း စသည့် ကာကွယ်ရေး အပြုအမူများကို ဆောင်ရွက်ကာကွယ်ကြရန် ရှမ်းပြည်နယ် ကုသရေးနှင့် ပြည်သူ့ကျန်းမာရေးဦးစီးဌာနက တိုက်တွန်းထားသည်။

No comments:

Post a Comment

Journal Download

Photo of three cats