ရှမ်းပြည်နယ်တွင် COVID-19 ကာကွယ်၊ ထိန်းချုပ်ရေးဆိုင်ရာ စည်းကမ်း မလိုက်နာသူ စုစုပေါင်း ၄၂၃ ဦးကို အရေးယူထား - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, December 27, 2020

ရှမ်းပြည်နယ်တွင် COVID-19 ကာကွယ်၊ ထိန်းချုပ်ရေးဆိုင်ရာ စည်းကမ်း မလိုက်နာသူ စုစုပေါင်း ၄၂၃ ဦးကို အရေးယူထား

ရှမ်းပြည်နယ်အတွင်း၌ ဒီဇင်ဘာလ ၂၇ ရက်ထိ COVID-19 ကပ်ရောဂါ ကာလအတွင်း ရောဂါ ကာကွယ်၊ ထိန်းချုပ်၊ ကုသရေးဆိုင်ရာ စည်းကမ်း မလိုက်နာသူ စုစုပေါင်း ၄၂၃ ဦးကို အရေးယူထားကြောင်း ရှမ်းပြည်နယ်ရဲတပ်ဖွဲ့ထံမှ သိရသည်။

.

“ ဒီကာလမှာ အရေးယူတဲ့ ဥပဒေ ၃ မျိုး ရှိပါတယ်။ ပထမဆုံးက ကူးစက်ရောဂါ ကာကွယ်နှိမ်နင်းရေးဥပဒေ၊ သဘာဝဘေးအန္တရာယ် စီမံခန့်ခွဲမှုဆိုင်ရာ ဥပဒေ၊ ရာဇသတ်ကြီးဥပဒေပုဒ်မ ၁၈၈ နဲ့ အရေးယူခဲ့တာပါ။ ပုဒ်မ ၁၈၈ နဲ့ အရေးယူတာက ဥပမာ တားမြစ်ထားတာကို ဖောက်ဖျက်တာပေါ့၊ ညမထွက်ရအမိန့်ကို ဖောက်ဖျက်တာမျိုးကို အရေးယူတာပါ။”ဟု ရှမ်းပြည်နယ်ရဲတပ်ဖွဲ့မှူးရုံး ပြောရေးဆိုခွင့် ရှိသူ ဒုတိယရဲမှူးကြီး ဝင်းသိန်းက ကမ္ဘောဇတိုင်းသို့ ပြောသည်။

.

ကူးစက်ရောဂါ ကာကွယ်နှိမ်နင်းရေးဥပဒေဖြင့် အရေးယူခဲ့သည့် အမှု ၄ ခုတွင် တရားခံ ကျား ၂၄ ဦး၊ မ ၁၆ ဦး၊ ပေါင်း ၄၀ ဦး၊ သဘာဝဘေးအန္တရာယ် စီမံခန့်ခွဲမှုဆိုင်ရာ ဥပဒေဖြင့် အရေးယူခဲ့သည့် အမှု ၄၄ ခုတွင် တရားခံ ကျား ၉၇ ဦး၊ မ ၄၄ ဦး၊ ပေါင်း ၁၄၁ ဦး၊ ရာဇသတ်ကြီးဥပဒေပုဒ်မ ၁၈၈ ဖြင့် အရေးယူခဲ့သည့် အမှု ၆၅ ခုတွင် တရားခံ ကျား ၂၂၁ ဦး၊ မ ၂၁ ဦး၊ ပေါင်း ၂၄၂ ဦး ဖြစ်ကြောင်း သိရသည်။

No comments:

Post a Comment

Journal Download

Photo of three cats