နမ့်စန်ဆေးရုံရှိ COVID-19 လူနာ၏ ဖုန်းအား ခိုးယူသူကို ဖမ်းမိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, December 16, 2020

နမ့်စန်ဆေးရုံရှိ COVID-19 လူနာ၏ ဖုန်းအား ခိုးယူသူကို ဖမ်းမိ

စိုင်းသိင်္ခသူ 

.



နမ့်စန်မြို့နယ် ဆေးရုံတွင် ဆေးကုသမှု ခံယူ​နေသည့် COVID-19 ပိုး​တွေ့ အတည်ပြုလူနာ၏ လက်ကိုင်ဖုန်းအား ခိုးယူသွားသူကို ယနေ့ ဒီဇင်ဘာလ ၁၆ ရက်တွင် ဖမ်းမိခဲ့ကြောင်း သိရသည်။
.
ပြီးခဲ့သည့် ဒီဇင်ဘာ ၁၄ ရက်၊ ညက နမ့်စန်ဆေးရုံ၊ သီးသန့်ကုသဆောင်တွင် ​ဆေး ကုသမှုခံယူနေသော COVID-19 လူနာ အမျိုးသားမှာ အိပ်​ပျော်နေစဉ် ၎င်း၏ လက်ကိုင်ဖုန်း
အခိုး ခံခဲ့ရခြင်း ဖြစ်ကြောင်း သိရသည်။
.
ယင်း လက်ကိုင်ဖုန်းအား ခိုးယူသွားသူမှာ နမ့်စန်မြို့ ၊ ရပ်ကွက်(၃)နေ ကျော်သန်းလင်း ဖြစ်​ပြီး ၎င်း ခိုးယူလာသည့် ဖုန်းကို အခြားသူ တစ်ဦးထံသို့ ငွေကျပ် ၈ သောင်းဖြင့် ရောင်းချခဲ့​ကြောင်း၊ ယင်း​နောက် ဖုန်းအား တဆင့် ဝယ်ယူထားသူက မြို့တွင်းရှိ ဖုန်းဆိုင် တစ်ခုသို့ သွား​ရောက်၍ Screen Lock ဖြည်ခဲ့​ရာမှ စစ်​​ဆေး ​ဖော်ထုတ် ဖမ်းဆီးနိုင်ခဲ့ခြင်း ဖြစ်ကြောင်း သိရသည်။
.
“ ခိုးတဲ့သူကို အမှုဖွင့်မှာပါ၊ သူက ခိုးမှုနဲ့ ထောင်ကျပြီး မကြာသေးခင်ကမှ ထောင်က လွတ်လာတဲ့သူပါ။” ဟု နမ့်စန်မြို့ COVID-19 ပြန်ကြားရေးအဖွဲ့မှ  တာဝန်ရှိသူတစ်ဦးက ​ပြောသည်။
.
အဆိုပါ လက်ကိုင်ဖုန်း ခိုးယူသူနှင့် ဝယ်ယူသူ ၂ ဦးတို့ကို RDT ဖြင့် စစ်ဆေးရာ ပိုးမတွေ့ (Negative) အဖြေထွက်ခဲ့ကြောင်းနှင့် ထိ​တွေ့မှုရှိသူများကို အသွားအလာ ကန့်သတ်ထားပြီး ဖြစ်​ကြောင်း သိရသည်။

No comments:

Post a Comment

Journal Download

Photo of three cats