မိုင်းယောင်းတွင် COVID-19 လူနာ ၂ ဦး ထပ်မံတွေ့ရှိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, December 6, 2020

မိုင်းယောင်းတွင် COVID-19 လူနာ ၂ ဦး ထပ်မံတွေ့ရှိ

အားချာ

.

တာချီလိတ်ခရိုင်၊ မိုင်းယောင်းမြို့တွင် ယနေ့ ဒီဇင်ဘာလ ၆ ရက်က COVID-19 ရောဂါ ပိုးတွေ့လူနာ အမျိုးသား ၂ ဦး ထပ်မံ တွေ့ရှိခဲ့ကြောင်း မြို့နယ် ကျန်းမာရေးဦးစီးဌာနမှ သိရသည်။

.

.

အဆိုပါ ပိုးတွေ့လူနာ ၂ ဦးအနက် တစ်ဦးမှာ ဝမ်ဘိုးကျေးရွာမှ ဒီဇင်ဘာ ၄ ရက်က ရောဂါပိုးတွေ့ရှိခဲ့သည့်  အမျိုးသမီး ၏ ဖခင်ဖြစ်ပြီး ကျန်တစ်ဦးမှာ ဟောင်ကွေ့ကျေးရွာမှ ယာဉ်နောက်လိုက်တစ်ဦးဖြစ်ကာ ၎င်းတို့ကို RDT Test Kit ဖြင့် စစ်ဆေးရာမှ COVID-19 ရောဂါပိုး တွေ့ရှိခဲ့ခြင်းဖြစ်ကြောင်း သိရသည်။

.

မိုင်းယောင်းမြို့နယ်မှာ ဒီဇင်ဘာ ၄ ရက်မှ ဒီဇင်ဘာ ၆ ရက်အထိ ၃ ရက်အတွင်း COVID-19 အတည်ပြုလူနာ ၇ ဦး ရှိလာပြီဖြစ်ပြီး ၎င်းတို့ကို မြို့နယ်ဝန်ထမ်းအိမ်ရာ ၄ ထပ်တိုက်၌ ပို့ဆောင်ဆေးကုသမှုပေးလျက်ရှိကြောင်း သိရသည်။

.

No comments:

Post a Comment

Journal Download

Photo of three cats