နန့်ပန်တက်စစ်ဆေးရေးဂိတ်တွင် ကုန်တင်ယာဉ်နောက်လိုက်တစ်ဦးထံမှ COVID-19 ပိုးတွေ့

ခွန်သန်းအောင်

.

ကလောမြို့နယ်၊ ဝက်ဖြူရေကျေးရွာအုပ်စု၊ နန့်ပန်တက်ကျေးရွာ ကျန်းမာရေးစစ်ဆေးရေးဂိတ်တွင် ယနေ့ ဒီဇင်ဘာလ ၂၆ ရက်၊ နံနက်ပိုင်းက ကုန်တင်ယာဉ်နောက်လိုက် တစ်ဦးထံမှ COVID-19 ရောဂါပိုး တွေ့ရှိခဲ့ကြောင်း သိရသည်။

.

.

အဆိုပါ ပိုးတွေ့လူနာသည် ရန်ကုန်မြို့မှ အောင်ပန်းမြို့သို့ လာရောက်မည့် ၁၀ ဘီး ကုန်တင်ယာဉ်မှ အသက် ၁၈ နှစ် အရွယ် ယာဉ်နောက်လိုက် အမျိုးသားဖြစ်ပြီး မကွေးတိုင်းဒေသကြီး၊ နတ်မောက်မြို့နယ်၊ ဂွေးပင်ကျေးရွာတွင် နေထိုင် သူဖြစ်ကာ ၎င်းအား ကလောပြည်သူ့ဆေးရုံရှိ သီးသန့်လူနာကုသဆောင်တွင် ထားရှိ ကုသပေးသွားမည်ဖြစ်ကြောင်း သိရသည်။

.

ထို့အတူ ပိုးတွေ့လူနာနှင့် ထိတွေ့မှုရှိခဲ့သည့် ယင်းကုန်တင်ယာဉ်မှ အသက် ၂၃ နှစ်အရွယ် ယာဉ်မောင်း အမျိုးသားကို ကလောမြို့၊ ဓမ္မယာန Quarantine သို့ ပို့ဆောင်သွားမည်ဖြစ်ကြောင်း သိရသည်။

.