လားရှိုးပြည်သူ့ဆေးရုံတွင် ဆေးကုသမှုခံယူနေသည့် COVID-19 လူနာတစ်ဦး သေဆုံး

ကမ္ဘောဇတိုင်း

.

လားရှိုးပြည်သူ့ဆေးရုံတွင်‌ ဆေးကုသမှု ခံယူနေသည့် COVID-19 ရောဂါ အတည်ပြုလူနာတစ်ဦး ယနေ့ ဒီဇင်ဘာလ ၁၀ ရက်၊ နံနက်ပိုင်းက သေဆုံးခဲ့ကြောင်း သိရသည်။

.

.

“လားရှိုးက လူနာတစ်ဦး သေဆုံးတာ ဟုတ်ပါတယ်” ဟု ရှမ်းပြည်နယ်မြောက်ပိုင်း ပြည်သူ့ကျန်းမာရေးနှင့် ကုသရေးဦးစီးဌာနမှူး ဒေါက်တာတင်မောင်ညွန့်က အတည်ပြုပြောဆိုခဲ့သည်။

.

သေဆုံးသူသည် အသက် ၃၈ နှစ်အရွယ် အမျိုးသမီးဖြစ်ပြီး ပြီးခဲ့သည့် ဒီဇင်ဘာလ ၆ ရက်က သီပေါ ဆေးရုံမှ လားရှိုးဆေးရုံသို့ လွှဲပြောင်းရောက်ရှိလာသူတစ်ဦးဖြစ်ကာ အူအတက်ရောင်ရောဂါအခံနှင့် COVID-19 ရောဂါကြောင့် သေဆုံးခဲ့ခြင်းဖြစ်သည်ဟု သိရသည်။

.

လက်ရှိ လားရှိုးပြည်သူ့ဆေးရုံတွင် COVID-19 ရောဂါဖြင့် ဆေးကုသမှု ခံယူနေသူ ၄ ဦး ကျန်ရှိနေပြီး လူနာ အားလုံး၏ ကျန်းမာရေး ကောင်းမွန်နေသည်ဟု သိရသည်။

.

ပြီးခဲ့သည့် နိုဝင်ဘာလ ၁၈ ရက်ကလည်း လားရှိုးဆေးရုံတွင် ဆေးကုသမှုခံယူနေသည့် COVID-19 ပိုးတွေ့လူနာ တစ်ဦး အဆုတ်ရောင်ရောဂါအခံဖြင့် သေဆုံးမှု ဖြစ်ပွားခဲ့ဖူးပြီး ရှမ်းပြည်နယ်တစ်ခုလုံးတွင် COVID-19 အတည်ပြု လူနာများအနက် သေဆုံးသူ ၃ ဦး ရှိလာပြီဖြစ်ကြောင်း သိရသည်။

.