မိုင်းယောင်းတွင် COVID-19 အတည်ပြုလူနာတစ်ဦး ဆေးရုံမှ ဆင်းခွင့်ရ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, December 23, 2020

မိုင်းယောင်းတွင် COVID-19 အတည်ပြုလူနာတစ်ဦး ဆေးရုံမှ ဆင်းခွင့်ရ

နန်းစီဖောင်း

.

တာချီလိတ်ခရိုင်၊ မိုင်းယောင်းမြို့နယ်ရှိ COVID-19 ရောဂါ ဆေးကုသဆောင်တွင် စောင့်ကြပ်ဆေးကုသမှု ခံယူနေသော COVID-19 ပိုးတွေ့ အတည်ပြုလူနာတစ်ဦး ကျန်းမာရေး ပြန်လည်ကောင်းမွန်လာသဖြင့် ယနေ့ ဒီဇင်ဘာလ ၂၃ ရက်၊ နံနက်ပိုင်းတွင် ဆေးရုံမှ ဆင်းခွင့်ပြုခဲ့ကြောင်း သိရသည်။

.

.

ထိုသို့ ဆေးရုံ ဆင်းခွင့်ပြုရာတွင် မိုင်းယောင်းမြို့နယ်ပြည်သူ့ကျန်းမာရေးဦးစီးဌာနမှ လက်ထောက်ဆရာဝန် ဒေါက်တာဟန်စိုး၊ ဒုတိယမြို့နယ်အုပ်ချုပ်ရေးမှူး ဦးမင်းမင်းဇော်နှင့် တာဝန်ရှိသူများက COVID-19 ရောဂါ ကာကွယ်ရေးဆိုင်ရာများကို ရှင်းလင်းပြောကြားပြီး မြို့နယ်ကြက်ခြေနီသူနာပြုတပ်ဖွဲ့မှူး ဦးသန့်ဇင်ဦးနှင့် တပ်ဖွဲ့ဝင်များက မော်တော်ယာဉ်ဖြင့် အိမ်တိုင်ရာရောက် ကူညီပို့ဆောင်ပေးခဲ့သည်။

.

မိုင်းယောင်းတွင် COVID-19 အတည်ပြုလူနာ ၁၀ ဦးရှိရာ ဒီဇင်ဘာ ၁၅ ရက်တွင် ၃ ဦး၊ ဒီဇင်ဘာ ၁၆ ရက်တွင် ၂ ဦး၊ ဒီဇင်ဘာ ၁၇ ရက်တွင် ၂ ဦး၊ ဒီဇင်ဘာ ၂၀ ရက်တွင် တစ်ဦးနှင့် ယနေ့ ဒီဇင်ဘာလ ၂၃ ရက်တွင် တစ်ဦးတို့ကို ဆေးရုံမှ ဆင်းခွင့်ပြုလိုက်ပြီဖြစ်ရာ လက်ရှိတွင် COVID-19 အတည်ပြုလူနာ တစ်ဦး ကျန်ရှိနေကြောင်း သိရသည်။

.


No comments:

Post a Comment

Journal Download

Photo of three cats