စုလှိုင်
.
ကလောမြို့နယ်၊ နန့်ပန်တက်စစ်ဆေးရေးဂိတ်၌ ရှမ်းပြည်နယ် တောင်ပိုင်းသို့ ဝင်ရောက်လာသော ယာဥ်ပေါ်ပါသူများအား RDT ဖြင့် စစ်ဆေးနေလျက် ရှိရာ ယနေ့ (ဒီဇင်ဘာလ ၂၅ ရက်)၊ နံနက်ပိုင်းတွင် ယာဥ်မောင်း ၁ ဦးထံမှ COVID-19 ပိုး တွေ့ခဲ့ကြောင်း သိရသည်။
.
" တစ်ယောက် ပိုး တွေ့တယ်။ ယာဥ်မောင်းပါ။ Contact ကလည်း တစ်ယောက်ပဲ ယာဥ်နောက်လိုက်ပါ။”ဟု ကလောမြို့နယ် အထွေထွေအုပ်ချုပ်ရေးဦးစီးဌာနမှ ဒုမြို့နယ်အုပ်ချုပ်ရေးမှူး ဦးကျော်စန်းယုက ကမ္ဘောဇတိုင်းသို့ ပြောသည်။
.
အဆိုပါ COVID-19 ပိုးတွေ့ရှိခဲ့သော အမျိုးသားသည် ရန်ကုန်မှ နမ့်စန်သို့ သွားရောက်မည့် ၂၂ ဘီးတွဲယာဥ်၏ အသက် ၃၉ နှစ်အရွယ် ယာဥ်မောင်း ဖြစ်ပြီး ကျောက်ပန်းတောင်းမြို့တွင် နေထိုင်သူ ဖြစ်ကြောင်း သိရသည်။
.
၎င်းလူနာအား ကလောဆေးရုံတွင် ဆေးကုသမှု ပေးမည် ဖြစ်ကာ ထိတွေ့မှု ရှိသော ယာဥ်နောက်လိုက်အား ကလောမြို့ Quarantine Center သို့ ပို့ဆောင်၍ အသွားအလာ ကန့်သတ်ထားကြောင်း သိရသည်။
