မင်းဇော်မင်း
.
Photo - Internet
“ဝ” ကိုယ်ပိုင်အုပ်ချုပ်ခွင့်ရတိုင်း၊ ပန်ဆန်းမြို့သို့ တရုတ်နိုင်ငံမှ
ဖြတ်သန်း ရောက်ရှိလာသူ တစ်ဦးတွင် ဒီဇင်ဘာလ ၁၅ ရက်က COVID-19 ပိုး တွေ့ရှိသဖြင့် “ဝ” ဒေသအတွင်း၌ အသွားအလာ ပိုမို ကန့်သတ် တင်းကြပ်ထားပြီး မိုင်းဖျန်ကို Lockdown
ချထားကြောင်း “ဝ”
ပြင်ပဆက်ဆံရေးရုံး တာဝန်ခံ
ဦးညီရမ်းထံမှ သိရသည်။
.
“ တရုတ်ပြည်က ပန်ဆန်းကို ဖြတ်သန်းလာတဲ့ တစ်ယောက်မှာ ပိုးစစ်တော့ တွေ့တာ၊ သူနဲ့ ထိတွေ့သူတွေ အားလုံး ပိုးစစ်တော့ Negative ဆိုပေမယ့် Quarantine ထားတယ်၊ လမ်းတွေလည်း ပိုမိုကန့်သတ် တင်းကြပ်ထားတယ်။” ဟု ဦးညီရမ်းက ပြောသည်။
.
အဆိုပါ ရောဂါပိုး တွေ့ရှိမှုနှင့် ပတ်သက်၍ ယခင် မတ်လကတည်းက လူဝင်/ထွက် ကန့်သတ်ထားသည့် တန့်ယန်း -ပန်ဆန်း ကားလမ်းတွင် ကုန်များမှ လွဲ၍ လူအဝင် မခံတော့သော်လည်း ယခုတွင် တန့်ယန်း-ပန်ဆန်း လမ်းမ မန်မန်းဆိုင် အကျော်တွင် ကုန်များကိုပါ အဝင်မခံဘဲ ပိတ်ဆို့ထားပြီး မိုင်းဖျန်ကိုလည်း Lockdown ချထားသည်ဟု ဦးညီရမ်းထံမှ သိရသည်။
