နန့်ပန်တက်စစ်ဆေးရေးဂိတ်တွင် ယာဉ်မောင်းတစ်ဦးထံမှ COVID-19 ပိုး တွေ့ရှိ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

နန့်ပန်တက်စစ်ဆေးရေးဂိတ်တွင် ယာဉ်မောင်းတစ်ဦးထံမှ COVID-19 ပိုး တွေ့ရှိ

ကမ္ဘောဇတိုင်း

.

ကလောမြို့နယ်၊ နန့်ပန်တက်ကျန်းမာရေးစစ်ဆေးရေးဂိတ်တွင် ယနေ့ ဒီဇင်ဘာလ ၁၆ ရက်က ယာဉ်မောင်း တစ်ဦးထံမှ COVID-19 ရောဂါပိုး တွေ့ရှိခဲ့ကြောင်း သိရသည်။

.

.

“နန့်ပန်တက်မှာ ပိုးတွေ့လူနာတစ်ဦး တွေ့တာ ဟုတ်ပါတယ်” ဟု ကလောမြို့နယ် ဒုတိယအုပ်ချုပ်ရေးမှူး ဦးကျော်ဆန်းယုက ကမ္ဘောဇတိုင်းသို့ ပြောသည်။

.

ထို့အတူ နန့်ပန်တက်စစ်ဆေးရေးဂိတ် တာဝန်ကျ ကလောပြည်သူ့ဆေးရုံမှ ဒေါက်တာ စောမြတ်သစ္စာကလည်း “မန္တလေးက လာတာပါ။ တစ်ယောက်ထဲ လာတာပါ။ Contact မပါပါဘူး” ဟု ပြောဆိုခဲ့သည်။

.

အဆိုပါ ပိုးတွေ့လူနာသည် မန္တလေးမှ တောင်ကြီးမြို့သို့ ထွက်ခွာလာသည့် ကုန်တင်ယာဉ်မှ အသက် ၃၅ နှစ်အရွယ် ယာဉ်မောင်း အမျိုးသားဖြစ်ပြီး နန့်ပန်တက်စစ်ဆေးရေးဂိတ်တွင် RDT Test Kit ဖြင့် စစ်ဆေးစဉ် COVID-19 ရောဂါပိုး တွေ့ရှိခဲ့ခြင်းဖြစ်ကြောင်း သိရသည်။

.

ပိုးတွေ့လူနာအား ကလောပြည်သူ့ဆေးရုံ သီးသန့်လူနာဆောင်သို့ ပို့ဆောင်ကာ ဆေးကုသမှု ပေးသွားမည်ဖြစ်ကြောင်း သိရသည်။

.


Journal Download

Photo of three cats