ရှမ်းပြည်နယ်တွင် COVID-19 လူနာ ၆၉၁ ဦး တွေ့ရှိထားပြီး ၂၈၃ ဦး ဆေးကုသမှု ခံယူနေဆဲဖြစ်

ကမ္ဘောဇတိုင်း

.

ရှမ်းပြည်နယ်အတွင်း ပြီးခဲ့သည့် မတ်လ ၃၀ ရက်မှ ယနေ့ ဒီဇင်ဘာလ ၁၃ ရက်၊ နေ့လယ်ပိုင်းအထိ COVID-19 ပိုးတွေ့ အတည်ပြုလူနာ စုစုပေါင်း ၆၉၁ ဦး တွေ့ရှိခဲ့ပြီး ယင်းအနက် ၂၈၃ ဦးမှာ ဆေးကုသမှု ခံယူနေဆဲဖြစ်ကြောင်း ရှမ်းပြည်နယ် ပြည်သူ့ကျန်းမာရေးနှင့် ကုသရေးဦးစီးဌာန၏ ထုတ်ပြန်ချက်အရ သိရသည်။

.

.

ယင်း လူနာများအနက် ရှမ်းပြည်နယ်တောင်ပိုင်းတွင် ၁၀၀ ဦး၊ ရှမ်းပြည်နယ်မြောက်ပိုင်းတွင် ၁၁၈ ဦးနှင့် ရှမ်းပြည်နယ် အရှေ့ပိုင်းတွင် ၆၅ ဦးတို့မှာ ဆေးရုံအသီးသီး၌ ဆေးကုသမှု ခံယူနေခြင်းဖြစ်ပြီး ရှမ်းတောင်မှ ၃၃၅ ဦး၊ ရှမ်းပြည်နယ် မြောက်ပိုင်းမှ ၁၃ ဦးနှင့် ရှမ်းပြည်နယ်အရှေ့ပိုင်းမှ ၅၉ ဦးတို့မှာ ရောဂါမှ ပြန်လည်သက်သာလာပြီဖြစ်ကာ COVID-19 အတည်ပြုလူနာများအနက် ရှမ်းပြည်နယ်တောင်ပိုင်းမှ ၁ ဦးနှင့် ရှမ်းပြည်နယ်မြောက်ပိုင်းမှ ၂ ဦးတို့မှာ ဆေးကုသမှု ခံယူနေစဉ် သေဆုံးခဲ့ကြောင်း သိရသည်။

.

မိဘ ပြည်သူများအနေဖြင့် မိမိတို့ နေထိုင်ရာ ဒေသအတွင်း COVID-19 ကူးစက်ပြန့်ပွားမှုမှ ကာကွယ်နိုင်ရန်အတွက် ရပ်ဝေးမှ ပြန်လာသူများ ရှိပါက ချက်ချင်းသတင်းပေးခြင်း၊ တတ်နိုင်သမျှ မိမိနေအိမ်၌သာ နေထိုင်ခြင်း၊ လူစုလူဝေး ရှောင်ရှားခြင်း၊ Mask ကို စနစ်တကျ တပ်ဆင်ခြင်းနှင့် လက်ဆေးခြင်း စသည့် ကာကွယ်ရေး အပြုအမူများကို အားသွန်ခွန်စိုက် ကြိုးပမ်းဆောင်ရွက်ခြင်းဖြင့် ကာကွယ်နိုင်ကြရန် ရှမ်းပြည်နယ် ပြည်သူ့ကျန်းမာရေးနှင့် ကုသရေးဦးစီးဌာနက တိုက်တွန်းနှိုးဆော်ထားသည်။

.