COVID-19 အတည်ပြုလူနာ အသစ် ၁၅၀၂ ဦး ထပ်မံ တွေ့ရှိ၊ PHL(​တောင်ကြီး)၌ စစ်သည့် ဓါတ်ခွဲနမူနာများအနက် ၁၃ ဦးတွင် ပိုး တွေ့ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

COVID-19 အတည်ပြုလူနာ အသစ် ၁၅၀၂ ဦး ထပ်မံ တွေ့ရှိ၊ PHL(​တောင်ကြီး)၌ စစ်သည့် ဓါတ်ခွဲနမူနာများအနက် ၁၃ ဦးတွင် ပိုး တွေ့

COVID-19 ပိုး​​တွေ့ အတည်ပြုလူနာ အသစ် ၁၅၀၂ ဦး ထပ်မံ ​တွေ့ရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ (​ဒီဇင်ဘာလ ၄ ရက်)၊ ည ၈ နာရီ ထုတ်ပြန်ချက်အရ သိရသည်။

.



ထို့အတူ ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)မှ PCR စက်ဖြင့် စစ်​ဆေးခဲ့သည့် ဓါတ်ခွဲနမူနာ ၆၉၅ ခုအနက် ၁၃ ဦးတွင် COVID-19 ပိုးတွေ့ရှိကြောင်း ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)က ထုတ်ပြန်ခဲ့သည်။

.

အဆိုပါ လူနာများမှာ ​တောင်ကြီးမြို့နယ်မှ ၃ ဦး၊ ရပ်​စောက်မြို့နယ်မှ ၄ ဦး၊ မိုင်းရှူးမြို့နယ်မှ ၁ ဦး၊ နမ့်စန်မြို့နယ်မှ ၁ ဦး၊ တာချီလိတ်မြို့နယ်မှ ၄ ဦးတို့ ဖြစ်​ကြောင်း သိရသည်။

.

" PCR စက်ကြီးနဲ့ စစ်တာမှာ ရှမ်း​တောင်က ၉ ဦး​တွေ့တယ်။ ​မိုင်းရှူးက ရဲဝန်ထမ်း ၁ ​ယောက်၊ နမ့်စန်က ရန်ကုန်​ပြန် ၁ ​ယောက်၊ ရပ်​စောက်က contact ၄ ​ယောက်၊ ​တောင်ကြီး မင်္ဂလာဦး ဆက်က ၃ ​ယောက်ပါ။ အကုန်လုံးက Quarantine ဝင်​နေသူ​တွေပါ။" ဟု ရှမ်းပြည်နယ် ပြည်သူ့ကျန်းမာ​ရေးနှင့် ကုသ​ရေးဦးစီးဌာနမှ ​ဒေါက်တာ ဇဝနကိုက ​ပြောသည်။

.

ထို့အပြင် ယ​နေ့တွင် RDT ဖြင့် စစ်​​ဆေးစဥ် က​​လောမြို့နယ်၌ ကားသမား  ၄ ဦး၊ ရွာငံမြို့နယ်၌ ကားသမား ၁ ဦး၊ ​တောင်ကြီးတွင် သူနာပြု ၁ ဦးတို့ထံတွင်လည်း ပိုး ​တွေ့ခဲ့​ကြောင်းလည်း သိရသည်။

.

မြန်မာနိုင်ငံတွင် မတ်လ ၂၃ ရက်မှ ယနေ့ (​ဒီဇင်ဘာလ ၄ ရက်)၊ ည ၈ နာရီထိ COVID-19 ပိုးတွေ့ အတည်ပြုလူနာ ၉၆၅၂၀ ဦး ရှိကာ၊ ယင်းအနက် ၂၀၅၉ ဦး သေဆုံး၍ ၇၄၉၇၃ ဦးမှာ ပြန်လည် သက်သာ၍ ​ဆေးရုံမှဆင်းခွင့် ရရှိပြီ ဖြစ်​ကြောင်း သိရသည်။

Journal Download

Photo of three cats