COVID-19 ပိုးတွေ့ အတည်ပြုလူနာ အသစ် ၅၈၇ ဦး ထပ်မံ တွေ့ရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ (ဒီဇင်ဘာလ ၃၀ ရက်)၊ ည ၈ နာရီ ထုတ်ပြန်ချက်အရ သိရသည်။
.
ထို့အတူ ပြည်သူ့ကျန်းမာရေး ဓါတ်ခွဲမှုဆိုင်ရာဌာန(PHL-တောင်ကြီး)၌ PCR စက်ဖြင့် စစ်ဆေးခဲ့သည့် ဓါတ်ခွဲနမူနာ ၅၄၇ ခုအနက် ရှမ်းပြည်နယ်တောင်ပိုင်း၊ တောင်ကြီး၊ ကလော၊ ဟိုပုံး၊ ဆီဆိုင်၊ ပင်လောင်း၊ ရွာငံမြို့နယ်များမှ စုစုပေါင်း ၁၂ ဦးတွင် COVID-19 ပိုးတွေ့ရှိခဲ့ကြောင်း ပြည်သူ့ကျန်းမာရေး ဓါတ်ခွဲမှုဆိုင်ရာဌာန(PHL-တောင်ကြီး)မှ ထုတ်ပြန်ခဲ့သည်။
.
ထို့အပြင် ရှမ်းပြည်နယ်တောင်ပိုင်းတွင် ဒီဇင်ဘာလ ၂၉ ရက်၊ နေ့လယ် ၁၁ နာရီမှ ၃၀ ရက် ညနေပိုင်းထိ RDT ဖြင့် စစ်ဆေးခဲ့သည့် ဓါတ်ခွဲနမူနာများအနက် တောင်ကြီးမြို့ ယာဥ်ထိန်းရုံးမှ ၂၂ ဦး၊ ကလောမြို့နယ်၌ ၁ ဦး၊ ဖယ်ခုံမြို့နယ်၌ ၁ ဦးတွင် COVID-19 ပိုးတွေ့ခဲ့ကြောင်း ရှမ်းပြည်နယ် ကုသရေးနှင့် ပြည်သူ့ကျန်းမာရေးဦးစီးဌာနထံမှ သိရသည်။
.
မြန်မာနိုင်ငံတွင် မတ်လ ၂၃ ရက်မှ ယနေ့ (ဒီဇင်ဘာလ ၃၀ ရက်)၊ ည ၈ နာရီထိ COVID-19 ပိုးတွေ့ အတည်ပြုလူနာ ၁၂၃၄၇၀ ဦး ရှိကာ၊ ယင်းအနက် ၂၆၆၄ ဦး သေဆုံး၍ ၁၀၆၁၂၁ ဦးမှာ ပြန်လည် သက်သာ၍ ဆေးရုံမှ ဆင်းခွင့် ရရှိပြီ ဖြစ်ကြောင်း သိရသည်။
