တောင်ကြီးတွင် ရဲတပ်ဖွဲ့ဝင် မောင်းနှင်လာသည့်ကားက အရပ်သားတစ်ဦးအား ပွတ်တိုက်မှုဖြစ် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, December 19, 2020

တောင်ကြီးတွင် ရဲတပ်ဖွဲ့ဝင် မောင်းနှင်လာသည့်ကားက အရပ်သားတစ်ဦးအား ပွတ်တိုက်မှုဖြစ်

. 

တောင်ကြီးမြို့၌ ဒီဇင်ဘာလ ၁၈ ရက်တွင် ရဲတပ်ဖွဲ့ဝင် တစ်ဦး မောင်းနှင်လာသည့်ယာဥ်က အရပ်သား လူငယ် တစ်ဦးအား ပွတ်တိုက်မှုဖြစ်ပွားခဲ့ကြောင်း သိရသည်။

.

တောင်ကြီးမြို့၊ ကံသာရပ်ကွက်၊ နယ်မြေ  ၂ အတွင်း၌ ဒီဇင်ဘာလ ၁၈ ရက်၊ နေ့လယ်ပိုင်းတွင် ရဲတပ်ဖွဲ့ဝင် တစ်ဦး မောင်းနှင်လာသည့် မော်တော်ယာဥ်မှ အရပ်သား လူငယ်အား ဝင်တိုက်မိခြင်း​ကြောင့် ထိခိုက်ဒဏ်ရာ ရရှိမှု ဖြစ်ပွားခဲ့ကြောင်း သိရသည်။

.

" ရဲက အရက် မူးပြီး ကားနဲ့ အဲနယ်​မြေက လူငယ် တစ်​ယောက်ကို ပွတ်တိုက်ပြီး ပြဿနာ ရှာ၊ လက်ထိပ် ခတ်လို့ ရပ်ကွက်က လူ​တွေ မ​ကျေနပ်လို့ စခန်းမှူးကို သွားတိုင်ကြတယ်။" ဟု ​ဒေသခံ တစ်ဦးက က​မ္ဘောဇတိုင်းသို့ ဆက်သွယ် သတင်း​ပေးခဲ့သည်။

.

အဆိုပါ ဖြစ်စဥ်နှင့် ပတ်သက်၍ ကံသာရပ်ကွက်အုပ်ချုပ်ရေးမှူး ဦးဝင်း​မောင်အား ဆက်သွယ်မေးမြန်းရာတွင် " မနေ့က နေ့လယ် ၂ နာရီလောက်က ဖြစ်သွားတာပါ။ အမှု ဖွင့်ထားခြင်း မရှိပါဘူး။" ဟု ပြောသည်။

.

ထို့အပြင် တောင်ကြီးမြို့မရဲစခန်းသို့ ဖြစ်စဥ်နှင့် ပတ်သက်၍ ဆက်သွယ် ​မေးမြန်းရာတွင် နယ်ထိန်းကိုသာ ဆက်သွယ်ရန် ​တာဝန်ကျ ရဲအရာရှိက ပြောဆိုခဲ့သည်။

.

 


.


ထို့အတူ က​မ္ဘောဇတိုင်းမှ ​မြေပြင်သတင်း စုံစမ်းရာတွင် ရဲတပ်ဖွဲ့ တာဝန်ရှိသူများနှင့် နစ်နာသူ လူငယ် မိသားစုဝင်များ ကံသာရပ်ကွက် အုပ်ချုပ်​ရေးမှူးရုံးတွင် ​တွေ့ဆုံ၍ နှစ်ဦးနှစ်ဘက် ညှိနှိုင်း၍ ​ဖြေရှင်းခဲ့ရာ ​ပြေလည်မှုများ ရရှိပြီ ဖြစ်​ကြောင်း သိရသည်။

.

​တောင်ကြီးမြို့နယ်​သည် ရှမ်းပြည်နယ်ရဲတပ်ဖွဲ့မှူးရုံး အ​ခြေစိုက်ရာ မြို့ ဖြစ်ပြီး မြို့နယ် အတွင်း၌ ​တောင်ကြီးမြို့မရဲစခန်း၊ ​တောင်ကြီး၊ ​အေးသာယာ၊ ​ရွှေ​ညောင်၊ ​ကျောက်တလုံးကြီးနယ်​မြေရဲစခန်းများနှင့် ပြည်နယ်အဆင့်၊ ခရိုင်အဆင့် ရှိသည့် ရဲတပ်ဖွဲ့ဆိုင်ရာ ရုံးများ အ​ခြေစိုက် ဖွင့်လှစ်ထားသည်။

No comments:

Post a Comment

Journal Download

Photo of three cats