မောက်မယ်မြို့နယ်တွင် ကျေးရွာမြေငှားဂရန် ထုတ်ပေးနိုင်ရေးအတွက် ကွင်းဆင်းတိုင်းတာ

စိုင်းမျိုးသန့် (မောက်မယ်)

.

လင်းခေးခရိုင်၊ မောက်မယ်မြို့နယ်၊ စဉ့်ဆိုင်ကျေးရွာအုပ်စု၊ မိုင်းယွန်းကျေးရွာတွင် နှစ် ၃၀ ကျေးရွာမြေငှားဂရန် ထုတ်ပေးနိုင်ရေးအတွက် ယမန်နေ့ ဒီဇင်ဘာလ ၂၄ ရက်က မြို့နယ်လယ်ယာမြေစီမံခန့်ခွဲရေးနှင့် စာရင်းအင်း ဦးစီးဌာန ဝန်ထမ်းများမှ ကွင်းဆင်းတိုင်းတာ ဆောင်ရွက်ခဲ့ကြောင်း သိရသည်။

.

.

ကျေးလက်နေပြည်သူများ မြေပိုင်ဆိုင်ခွင့်ရရှိရေး၊ လယ်ယာမြေပြဿနာများ နည်းပါးရေး၊ မြေယာလုပ်ထုံးလုပ်နည်း များအား ပြည်သူများသိရှိစေရေး၊ ကျေးလက်နေပြည်သူများ စိတ်ပိုင်းနှင့် ရုပ်ပိုင်းဆိုင်ရာလုံခြုံမှုများပိုမိုရရှိရေး၊ နိုင်ငံတော်မှရသင့်ရထိုက်သော အခွန်ငွေများရရှိစေရေးအတွက် ယင်းကဲ့သို့ ကျေးရွာမြေငှားဂရန် ထုတ်ပေးနိုင်ရေး ကွင်းဆင်းတိုင်တာခဲ့ခြင်းဖြစ်ကြောင်း သိရသည်။

.

ထိုသို့ကွင်းဆင်းဆောင်ရွက်ရာတွင် မြေပြင်ထိမ်းမှတ် (GCP) ပွိုင့်ချထားခြင်း၊ အမြဲမြေတိုင်း မှတ်တိုင်များ စိုက်ထူခြင်းနှင့် ခေတ်မီမြေတိုင်းကိရိယာများဖြင့် မြေတိုင်းတာခြင်း လုပ်ငန်းများအား ကွင်းဆင်း ဆောင်ရွက်ပေးခဲ့ ကြောင်း သိရသည်။

.