ကမ္ဘောဇတိုင်း
.
တောင်ကြီးမြို့၊ ချမ်းမြသာစည်ရပ်ကွက်၊ စတုဘုမ္မိကဘုန်းတော်ကြီးကျောင်းနှင့်
မြစကြာဘုန်းတော်ကြီးကျောင်း အနောက်ဘက် တောင်စောင်း ချောက်အတွင်း ကိုရင်တစ်ပါး ပြုတ်ကျ
ပျံလွန်တော်မူနေသည်ကို ယနေ့ ဒီဇင်ဘာလ ၁၇ ရက်က တွေ့ရှိခဲ့ရကြောင်း သိရသည်။
.
အခင်းဖြစ်ရာ နေရာသို့ တောင်ကြီးမြို့နယ်မီးသတ်ဦးစီးမှူး
ဦးမြင့်သန်း ဦးဆောင်သော မီးသတ်တပ်ဖွဲ့ဝင်များက ပေ ၁၀၀ ကျော်ခန့်နက်သည့် ချောက်ကမ်းပါး
တောင်စောင်းသို့ ဆင်း၍ အလောင်းအား ဆယ်ယူပြီး တောင်ကြီးမြို့၊ စဝ်စံထွန်းဆေးရုံသို့
ပို့ဆောင်ပေးခဲ့ကြောင်း သိရသည်။
.
သေဆုံးသူ ကိုရင်သည် ဓမ္မဝိဟာရ ဘုန်းတော်ကြီးကျောင်းမှ
သက်တော် ၁၇ နှစ်ရှိ ရှင်ဂုန ဖြစ်ပြီး ဒီဇင်ဘာလ ၁၄ ရက် ကတည်းက ကျောင်းမှ ပျောက်ဆုံးနေခဲ့ခြင်းဖြစ်ကာ
ရွာပြန်သည်အထင်ဖြင့် ကျောင်းရှိသံဃာများမှ လိုက်လံရှာဖွေမှု မပြုခဲ့ခြင်းဖြစ်ကြောင်း
သိရသည်။
.
အဆိုပါ ကိုရင် ရှင်ဂုန ပျံလွန်တော်မူခြင်းနှင့် ပတ်သက်၍
တောင်ကြီးနယ်မြေရဲစခန်းတွင် သေမှုသေခင်းအမှတ်စဉ် ၂၅/၂၀၂၀ ဖြင့် အမှုဖွင့်စစ်ဆေး ဆောင်ရွက်လျက်ရှိကြောင်း
သိရသည်။
.
