ကျေးရွာသစ်လှုပ်ရှားမှုစီမံကိန်း ဖော်ဆောင်နေသည့် ပင်လောင်းမြို့နယ်၊ လွယ်မောကျေးရွာ၌ ကွန်ကရစ်လမ်းခင်း - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, December 5, 2020

ကျေးရွာသစ်လှုပ်ရှားမှုစီမံကိန်း ဖော်ဆောင်နေသည့် ပင်လောင်းမြို့နယ်၊ လွယ်မောကျေးရွာ၌ ကွန်ကရစ်လမ်းခင်း

ခွန်အောင် (နောင်တရား)

.

ကျေးရွာသစ်လှုပ်ရှားမှုစီမံကိန်း ဖော်ဆောင်နေသည့် ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ်၊ လွယ်မော ကျေးရွာအုပ်စု၊ မြေနီကုန်းကျေးရွာရှိ ရွာတွင်းလမ်းအား ကွန်ကရစ်ခင်းခြင်းလုပ်ငန်း ဆောင်ရွက်လျက်ရှိကြောင်း သိရသည်။

.

.

မြေနီကုန်းကျေးရွာသည် ကျေးရွာသစ်လှုပ်ရှားမှု စီမံကိန်းအဖြစ် ရွေးချယ်ခံရပြီးနောက် အဆိုပါကျေးရွာ၏ လူနေမှု ပတ်ဝန်းကျင်တိုးတက်ရေးကဏ္ဍအတွက် အကျယ် ၁၅ ပေ၊ အရှည် ၂၀၀၀ ပေ၊ ထု ၆ လက်မ၊ ဘေးနှစ်ဘက် ရေမြောင်း ပါရှိသည့် ကွန်ကရစ်လမ်းခင်းခြင်းလုပ်ငန်းကို ဆောင်ရွက်နေခြင်းဖြစ်ကြောင်း သိရသည်။

.

ကျေးရွာအတွင်း ကွန်ကရစ်လမ်းခင်းခြင်းကို ရှမ်းပြည်နယ် စိုက်ပျိုးရေးဦးစီးဌာန ပြည်နယ်ဦးစီးမှူး ဦးတင်ဦး၊ ဒုတိယ ပြည်နယ်ဦးစီးမှူး ဦးဇော်ဝမ်း၊ ဒုတိယပြည်နယ်ဦးစီးမှူး ဦးငြိမ်းထွန်း၊ ခရိုင်ဦးစီးမှူး ဦးလှငြိမ်းနှင့် တာဝန်ရှိသူများက ယမန်နေ့ ဒီဇင်ဘာလ ၄ ရက်တွင် သွားရောက်ကွင်းဆင်းကြည့်ရှုခဲ့သည်ဟု သိရသည်။

.

အဆိုပါ မြေနီကုန်းကျေးရွာတွင် အိမ်ထောင်စု ၁၀၈ စု ရှိပြီး စုစုပေါင်းလူဦးရေမှာ ၄၃၉ ဦးရှိကြောင်း သိရသည်။

.

စိုက်ပျိုးရေးဦးစီးဌာနမှ ဆောင်ရွက်နေသည့် ကျေးရွာသစ် လှုပ်ရှားမှုစီမံကိန်းအတွက် ရှမ်းပြည်နယ်အတွင်း လွိုင်လင် မြို့နယ်မှ ကောင်းပုံကျေးရွာ၊ ပင်လောင်းမြို့နယ်မှ မြေနီကုန်းကျေးရွာနှင့် နောင်ချိုမြို့နယ်မှ ဝါးဘိုးကုန်းကျေးရွာများ အား ရွေးချယ်ထားခြင်းဖြစ်ကြောင်း သိရသည်။

.

No comments:

Post a Comment

Journal Download

Photo of three cats