ပင်လောင်းမြို့နယ်၊ ပေါင်းလောင်းကြိုးဝိုင်းအတွင်း တရားမဝင်သစ် တန် ၁၀၀ ခန့် ဖမ်းမိ

ကမ္ဘောဇတိုင်း

.

ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ်၊ ပေါင်းလောင်းကြိုးဝိုင်းအတွင်း ဒီဇင်ဘာလ ၅ ရက်က တရားမဝင်သစ် တန် ၁၀၀ ခန့်အား ပိုင်ရှင်မဲ့ ဖမ်းဆီးရမိခဲ့ကြောင်း သိရသည်။

.

Photo - Forest Department

.

ပြည်သူပူးပေါင်းပါဝင်မှုဖြင့် လူထုအခြေပြု စောင့်ကြပ်ကြည့်ရှုသတင်းပို့စနစ် (CMRS) ဖြင့် သတင်းပေးပို့ချက်အရ တောင်ကြီးခရိုင်၊ ကလောမြို့နယ် သစ်တောဦးစီးဌာနမှ ဦးစီးအရာရှိ ဦးဆောင်သော သစ်တောဝန်ထမ်းများ၊ မြန်မာနိုင်ငံ ရဲတပ်ဖွဲ့ဝင်များ ပါဝင်သော ပူးပေါင်းအဖွဲ့သည် ဒီဇင်ဘာလ ၅ ရက်က ကလောမြို့နယ်(ပူးတွဲ) ပင်လောင်း မြို့နယ်၊ ပေါင်းကြိုးဝိုင်းအကွက်အမှတ် (၁၅၃)အတွင်း တရားမဝင်အခြားသစ်လုံး/ခြမ်း/စိတ် ၁၁၉ လုံး ခန့်မှန်း တန် ၁၀၀ ခန့်အား ပိုင်ရှင်မဲ့ ဖမ်းဆီးရမိခဲ့ခြင်းဖြစ်ကြောင်း သိရသည်။

.

အဆိုပါ ဖမ်းဆီးရမိ သစ်များနှင့် ပတ်သက်၍ ဆက်စပ်ပတ်သက်သူများအား စုံစမ်းရှာဖွေဖော်ထုတ်၍ ဥပဒေနှင့်အညီ ထိရောက်စွာ အရေးယူနိုင်ရေး စီစဉ်ဆောင်ရွက်လျက်ရှိကြောင်း သိရသည်။

.