ကျောက်မဲလူငယ် ပရဟိတအဖွဲ့က ဘုန်းတော်ကြီးကျောင်းများသို့ ဆန်၊ ဆီနှင့် စားသောက်ကုန်များ လှူဒါန်း - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ကျောက်မဲလူငယ် ပရဟိတအဖွဲ့က ဘုန်းတော်ကြီးကျောင်းများသို့ ဆန်၊ ဆီနှင့် စားသောက်ကုန်များ လှူဒါန်း

မိုင်းထွန်း (ကျောက်မဲ)

.

COVID-19 ကပ်ရောဂါ ကာလအတွင်း ဆွမ်းခံမထွက်ရသဖြင့် ခက်ခဲနေသည့် ကျောက်မဲမြို့နယ်အတွင်းရှိ ဘုန်းတော် ကြီးကျောင်းများတွင် ဆွမ်းကိစ္စ အဆင်ပြေစေရန်အတွက် ကျောက်မဲလူငယ် ပရဟိတအဖွဲ့က မြို့သူမြို့သားများထံ ဆန်၊ ဆီနှင့် စားသောက်ကုန်များ အလှူခံ၍ ဒီဇင်ဘာလ ၇ ရက်က ဘုန်းတော်ကြီးကျောင်း ၃ ကျောင်းသို့ တစ်ဆင့် ပြန်လည် လှူဒါန်းပေးခဲ့သည်ဟု သိရသည်။

.

.

ထိုသို့ လှူဒါန်းရာတွင် ကျောက်မဲမြို့နယ်အတွင်းရှိ ရန်ကုန် ကျောင်းတိုက်၊ ဝါဆိုဘုန်းတော်ကြီးကျောင်း၊ အောင်မြေ သာယာ ဘုန်းတော်ကြီးကျောင်းများသို့ ဆန်၊ ဆီ၊ ဟင်းချက်စရာများကို သွားရောက်လှူဒါန်းပေးခဲ့ခြင်း ဖြစ်ကာ ကျန် ဘုန်းတော်ကြီးကျောင်းများ သို့လည်း ဆက်လက်လှူဒါန်းသွားမည်ဖြစ်ကြောင်း  သိရသည်။

.

COVID-19 ကာလအတွင်း ဆွမ်းခံမထွက်ရ၍ ခက်ခဲမှုရှိနေသော ကျောက်မဲ မြို့နယ်အတွင်းရှိ ဘုန်းကြီးကျောင်းများ အတွက် အခြေခံစားနပ်ရိက္ခာများ လိုက်လံလှူဒါန်းရန် ရည်ရွယ်၍ ကျောက်မဲလူငယ် ပရဟိတအဖွဲ့ကို ၂၀၂၀ ပြည့်နှစ်၊ စက်တင်ဘာလ ၅ ရက်က လူငယ် ၆ ဦးဖြင့် စတင်ဖွဲ့စည်းခဲ့ခြင်းဖြစ်ပြီး စက်တင်ဘာလအတွင်း ပထမအကြိမ်အဖြစ် ကျောက်မဲမြို့ပေါ်ရှိ ဘုန်းကြီးကျောင်း ၂၄ ကျောင်း၊ သက်ကြီးဘိုး/ဘွားများ၊ ခက်ခဲမိသားစုများ အပါအဝင် စုစုပေါင်း အိမ်ထောင်စု ၃၂ စုအတွက် ငွေကျပ်တန်ဖိုး ၄၀ သိန်း  ရှိ ဆန်၊ ဆီ၊ ဆား၊ ကြက်ဥ၊ ပဲ အမျိုးမျိုး၊ အာလူး၊ ကြက်သွန် အစရှိသည့် ဟင်းချက်စရာများကို ထောက်ပံ့ လှူဒါန်းပေးခဲ့ပြီးဖြစ်ကြောင်း ကျောက်မဲ လူငယ်ပရဟိတအဖွဲ့မှ  မစုစုနိုင်၏ ထံက သိရသည်။

.

ကျောက်မဲမြို့ပေါ်တွင် ဘုန်းတော်ကြီးကျောင်း ၂၈ ကျောင်းရှိပြီး မြို့နှင့်နီးစပ်သော ကျေးရွာများတွင် ဘုန်းတော်ကြီး ကျောင်း ၁၅ ကျောင်းခန့်ရှိသည်ဟု ကျောက်မဲခရိုင်သာသနာရေးဦးစီးဌာနထံမှ သိရသည်။

.

Journal Download

Photo of three cats