အေးသာယာတွင် ကားနှင့် ဆိုင်ကယ်တိုက်မိပြီး ကိုယ်ဝန်ဆောင်အမျိုးသမီးတစ်ဦး စိုးရိမ်ရဒဏ်ရာများ ရရှိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Tuesday, December 8, 2020

အေးသာယာတွင် ကားနှင့် ဆိုင်ကယ်တိုက်မိပြီး ကိုယ်ဝန်ဆောင်အမျိုးသမီးတစ်ဦး စိုးရိမ်ရဒဏ်ရာများ ရရှိ

စုလှိုင်

.

တောင်ကြီးမြို့နယ်၊ အေးသာယာမြို့၊ ပြည်ထောင်စုလမ်းမကြီးပေါ်ရှိ အေးသာယာမုခ်ဦးအနီးတွင် ဒီဇင်ဘာလ ၇ ရက်၊ ညပိုင်းက ကားနှင့်ဆိုင်ကယ် တိုက်မိပြီး ကိုယ်ဝန်ဆောင်အမျိုးသမီးတစ်ဦး စိုးရိမ်ရဒဏ်ရာများ ရရှိခဲ့ကြောင်း သိရသည်။

.

.

တောင်ကြီးမြို့နယ်၊ ရွှေညောင်မြို့၊ အောင်သပြေရပ်နေ ယာဉ်မောင်း ထွန်းမင်းလတ် (ခ) ကိုလတ် မောင်းနှင်လာသော အဖြူရောင်မော်တော်ယာဉ်သည် ဒီဇင်ဘာလ ၇ ရက်၊ ညပိုင်းက တောင်ကြီး-အေးသာယာ ပြည်ထောင်စုလမ်းမကြီး အတိုင်း မောင်းနှင်လာစဉ် အေးသာယာမြို့အဝင် မုခ်ဦးအနီး အရောက်တွင် အေးသာယာမြို့၊ နယ်မြေ (၈) နေ ကျော်မြင့်နိုင် မောင်းနှင်ပြီး နောက်တွင် ကိုယ်ဝန်ဆောင်အမျိုးသမီး မတင်ဇာဝင်းနှင့် အသက် ၄ နှစ်အရွယ် ကလေးငယ်တို့ လိုက်ပါစီးနင်းလာသော ဆိုင်ကယ်အား နောက်မှ ဝင်ရောက်တိုက်မိခဲ့ပြီးနောက် ကားမှာ လမ်းဘေး အုတ်ခုံအား ထပ်မံတိုက်မိကာ တိမ်းမှောက်ခဲ့ခြင်းဖြစ်ကြောင်း သိရသည်။

.

ယာဉ်တိုက်မှုကြောင့် ဆိုင်ကယ်ယာဉ်မောင်း ကျော်မြင့်နိုင်တွင် ယာဒူးပွန်း၊ ဝဲတံတောင် ပွန်းခြစ်ဒဏ်ရာနှင့် ကိုယ်ဝန်ဆောင် အမျိုးသမီး မတင်ဇာဝင်းတွင် ယာနဖူးထိပ်ပြဲ၊ နဖူး ဖူးယောင်ဒဏ်ရာ၊ ဦးခေါင်းမူးဝေ စိုးရိမ်ရ ဒဏ်ရာများ ရရှိခဲ့ကာ ယာဉ်မောင်း ထွန်းမင်းလတ်တွင် နဖူးပေါက်ပြဲဒဏ်ရာ၊ နှာခေါင်း သွေးထွက်ဒဏ်ရာ ရရှိခဲ့ကြောင်း သိရသည်။

.

အဆိုပါ ယာဉ်တိုက်မှုမှ ယာဉ်မဆင်မခြင်မောင်းနှင်သူ ယာဉ်မောင်း ထွန်းမင်းလတ်အား အေးသာယာနယ်မြေ ရဲစခန်းတွင် ရာဇသတ်ကြီးဥပဒေပုဒ်မ ၂၇၉/၃၃၇/၃၃၈ ဖြင့် အမှုဖွင့်အရေးယူဆောင်လျက်ရှိကြောင်း သိရသည်။

.


No comments:

Post a Comment

Journal Download

Photo of three cats