မိုင်းယုတွင် ဒေသထွက် မြေသားအုတ်များကို ဈေးနှုန်းသက်သာစွာ ရောင်းချပေးသဖြင့် ရောင်းသူနှင့် ဝယ်သူ အဆင်ပြေ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, December 14, 2020

မိုင်းယုတွင် ဒေသထွက် မြေသားအုတ်များကို ဈေးနှုန်းသက်သာစွာ ရောင်းချပေးသဖြင့် ရောင်းသူနှင့် ဝယ်သူ အဆင်ပြေ

ကိုကိုနိုင် (မိုင်းယု)

.

တာချီလိတ်ခရိုင်၊ မိုင်းယုမြို့တွင် မြေသားအုတ်များကို ဈေးနှုန်းသက်သာစွာဖြင့် ထုတ်လုပ်ရောင်းချပေးသဖြင့် ရောင်းသူနှင့် ဝယ်သူ အဆင်ပြေလျက်ရှိကြောင်း သိရသည်။

.


.

ယင်းကဲ့သို့ မြေသားအုတ် ပြုလုပ်ရာတွင် ရေအနည်းငယ်ဖြင့် နှပ်ထားသည့် မြေစေးကို ကြိတ်စက်၏ လှောင်အိုးတွင် ထည့်၍ သမအောင်မွှေထားသည့် ရွှံ့မြေအား မိုပေါင်းမှတဆင့် ထွက်ရှိလာကာ ရေအသင့်အတင့်ထပ်မံရောစပ်ကာ လေးထောင့်ပုံစံရွှံ့မြေခဲအရှည်ကိုရရှိပြီး ယင်းမြေခဲကို စည်းတံဆိပ်ရိုက်ခြင်း၊ အရှည် ၉ လက်မ၊ အကျယ် ၃ လက်မ၊ အမြင့် ၄ လက်မရှိသည့် မြေသားအုတ်စိမ်းဖြစ်အောင် ဖြတ်တောက်ခြင်းများပြုလုပ်ပြီး ရရှိလာသည့် အဆိုပါ အုတ်ကို ကွင်းပြင်တွင်နေပြအခြောက်ခံ၍ အုတ်စိမ်းခြောက်ကို ဖိုသွင်းမီးဖုတ်ကာ ပြုလုပ်ရခြင်းဖြစ်ကြောင်း သိရသည်။

.

အဆိုပါ မြေသားအုတ်များကို ဒေသတွင်း ပို့ဆောင်ပေးရပါက တစ်လုံးလျှင် ငွေကျပ် ၁၁၀ ဖြင့်ပို့ဆောင်ရောင်းချပေးပြီး အုတ်ကွင်းသို့ လာရောက်ဝယ်ယူပါက တစ်လုံးလျှင် ၁၀၀ ကျပ်ဖြင့်သာ ရောင်းချပေးနေသဖြင့် ဒေသတွင်းရှိ မြေသားအုတ် ထုတ်လုပ်ရောင်းချသူနှင့် ဝယ်ယူသူတို့အကြား အဆင်ပြေလျက်ရှိကြောင်း သိရသည်။

.

မိုင်းယုမြို့တွင် ယခင်က မြေသားအုတ်လုပ်ငန်း လုပ်ကိုင်သူမရှိသဖြင့် အိမ်များဆောက်လုပ်ရန်နှင့် ခြံစည်းရိုးကာရန် အတွက် မြေသားအုတ်ကို မိုင်းယောင်းမြို့နယ်မှတစ်ဆင့် ဝယ်ယူအသုံးပြုရပြီး ယခုအခါ အချိန်ကုန်/ငွေကုန် သက်သာစွာဖြင့် ဒေသတွင်း၌ အလွယ်တကူ ဝယ်ယူရရှိနိုင်လာသဖြင့် မြေသားအုတ်လုပ်ငန်း လုပ်ကိုင်ရောင်းချသူနှင့် ဝယ်ယူသူအကြား လုပ်ငန်းလုပ်ကိုင်မှု အဆင်ပြေနေလျက်ရှိကြောင်း သိရသည်။

.


No comments:

Post a Comment

Journal Download

Photo of three cats