ရှမ်းပြည်နယ်အစိုးရအဖွဲ့မှ အကျဉ်းထောင်နှင့် အလုပ်စခန်းများသို့ စားနပ်ရိက္ခာများ လှူဒါန်း - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, December 11, 2020

ရှမ်းပြည်နယ်အစိုးရအဖွဲ့မှ အကျဉ်းထောင်နှင့် အလုပ်စခန်းများသို့ စားနပ်ရိက္ခာများ လှူဒါန်း

မင်းဇော်မင်း

.

ရှမ်းပြည်နယ်အတွင်းရှိ အကျဉ်းထောင်၊ အချုပ်ထောင်နှင့် အလုပ်စခန်းများတွင် ပြစ်ဒဏ်ကျခံနေရသည့် အကျဉ်းသားများ အတွက် ရှမ်းပြည်နယ်အစိုးရအဖွဲ့မှ ဒီဇင်ဘာလ ၁၁ ရက်၊ နံနက်ပိုင်းက ညောင်ရွှေအကျဉ်းထောင်၌ စားနပ်ရိက္ခာများ သွားရောက်ထောက်ပံ့ လှူဒါန်းခဲ့သည်ဟု သိရသည်။

.

ဓါတ်ပုံ - ဦးနေမျိုး
.

ထိုသို့ လှူဒါန်းရာတွင် အကျဉ်းသားတစ်ဦးလျှင် ငွေကျပ် ၂၀၀၀ နှုန်းဖြင့် အကျဉ်းသားစုစုပေါင်း ၁၂၀၀၀ ကျော်အတွက် ကျပ်သိန်း ၂၀၀ ကျော်လှူဒါန်းခဲ့ခြင်းဖြစ်ကြောင်း လှူဒါန်းပွဲသို့ တက်ရောက်ခဲ့သည့် ရှမ်းပြည်နယ်နိုင်ငံရေး အကျဉ်းသားဟောင်းတစ်ဦးဖြစ်သူ ညောင်ရွှေမြို့နယ်ပြည်သူ့လွှတ်တော်ကိုယ်စားလှယ် ဦးနေမျိုးက ထံက သိရသည်။

.

“အစိုးရအနေနဲ့ အခြေခံလူတန်းစားတွေအတွက် ထောက်ပံ့ငွေတွေ ပေးအပ်သလို ရှမ်းပြည်နယ်အစိုးရကလည်း အကျဉ်းကျနေကြသူတွေအတွက် စိတ်ပိုင်းဆိုင်ရာ အကူအညီဖြစ်စေဖို့ ထောက်ပံ့လှူဒါန်းပေးတာဖြစ်တယ်လို့ ဝန်ကြီးချုပ်က ပြောပါတယ်” ဟု ဦးနေမျိုးက ကမ္ဘောဇတိုင်းသို့ ပြောသည်။

.

အဆိုပါ လှူဒါန်းပွဲ အခမ်းအနားသို့ ရှမ်းပြည်နယ်အစိုးရအဖွဲ့ဝန်ကြီးချုပ် ဒေါက်တာလင်းထွဋ်နှင့် ပြည်နယ် လမ်းပန်းဆက်သွယ်ရေးဝန်ကြီး ဦးခွန်ရဲထွေး၊ ပြည်နယ်စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးစိုင်းလုံကျော်၊ ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးလှဦး၊ ပြည်နယ်ဥပဒေချုပ် ဦးတင်ဦးနှင့် ဌာနဆိုင်ရာ တာဝန်ရှိသူများ လိုက်ပါခဲ့ကြောင်း သိရသည်။

.

ထို့အတူ ပြည်နယ်ဝန်ကြီးချုပ် ဒေါက်တာလင်းထွဋ်နှင့် အဖွဲ့သည် ကလောမြို့နယ် အောင်ပန်း စိုက်ပျိုးရေး သုတေသနခြံသို့ လည်းကောင်း၊ တောင်ကြီး မြို့နယ် တောင်လေးလုံး (ခေါင်တိုင်လမ်းခွဲ)၌ ဖွင့်လှစ်ထားသော COVID-19 ရောဂါကာကွယ် တားဆီးရေးဂိတ်သို့လည်းကောင်း သွားရောက်ကြည့်ရှုအားပေးပြီး ဟဲဟိုးအင်းခေါင်းဆည်နှင့် ယင်းဆည် အနီးရှီ စိုက်ပျိုးရေးသုတေသနခြံသို့လည်းကောင်း သွားရောက်ကြည့်ရှုစစ်ဆေးခဲ့ကြောင်း သိရသည်။

.


No comments:

Post a Comment

Journal Download

Photo of three cats

About