ခွန်သန်းအောင်၊ စုလှိုင်
.
ကလောမြို့နယ်၊ အောင်ပန်းမြို့၊
ရေချိုကျေးရွာအုပ်စု၊ လွယ်မယ်ကျေးရွာတွင် ယနေ့ ဒီဇင်ဘာလ ၂၃ ရက်၊ ညနေ ၃ နာရီခန့်က အမျိုးသားတစ်ဦး
ကြိုးဆွဲချ သေဆုံးမှု ဖြစ်ပွားခဲ့ကြောင်း သိရသည်။
.
ပဲခူးတိုင်းဒေသကြီး၊ တောင်ငူခရိုင်၊ ထန်းတပင်မြို့နယ်၊
ကရင်နီကုန်းကျေးရွာနေ စောအော်ကော (ခ) ကရင်လေး၊ ၂၇ နှစ်သည် အောင်ပန်းမြို့၊
ရေချိုကျေးရွာအုပ်စု၊ လွယ်မယ်ကျေးရွာရှိ ဦးစိုးသူနိုင် ပိုင်ဆိုင်သော
အလုပ်သမားများ ထားသည့် ဂိုဒေါင် အပေါ်ထပ်ရှိ သစ်သားထုတ်တန်းတွင် ကြိုးဆွဲချသေဆုံးနေခြင်းဖြစ်ကြောင်း
သိရသည်။
.
စောအော်ကော (ခ) ကရင်လေး သေဆုံးမှုနှင့်ပတ်သက်၍
ဓမ္မတာအတိုင်း သေဆုံးခြင်း ဟုတ်မဟုတ် သိရှိနိုင်ရန် အောင်ပန်းနယ်မြေ ရဲစခန်းတွင်
သေမှုသေခင်း အမှတ်စဉ် (၁၅/၂၀၂၀) ဖြင့် အမှုဖွင့်စစ်ဆေး လျက်ရှိကြောင်း သိရသည်။
.
