တောင်ကြီးမြို့၊ မင်္ဂလာဦးရပ်ကွက် Stay at Home ဧရိယာရှိ အိမ်​ထောင်စုများအား ​ထောက်ပံ့ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, December 13, 2020

တောင်ကြီးမြို့၊ မင်္ဂလာဦးရပ်ကွက် Stay at Home ဧရိယာရှိ အိမ်​ထောင်စုများအား ​ထောက်ပံ့

တောင်ကြီးမြို့၊ မင်္ဂလာဦးရပ်ကွက်မှ Stay at Home ဧရိယာရှိ အိမ်​ထောင်စုများအား ရှမ်းပြည်နယ် ပြည်သူလူထုစားနပ်ရိက္ခာ ​ထောက်ပံ့​ရေး​ကော်မတီက ယ​နေ့ ဒီဇင်ဘာလ ၁၃ ရက်တွင် ​ထောက်ပံ့လှူဒါန်းမှုများ ပြုလုပ်ခဲ့​​ကြောင်း သိရသည်။

.



" အိမ်​ထောင်စု ၃၅၀ အတွက် တစ်​ပြေးညီ အားလုံး လှူဒါန်းခဲ့ပါတယ်။ Positive လူနာ များလာတဲ့အပြင် Stay at Home အမိန့်ကလည်း သက်တမ်း တိုးလိုက်တာ​ကြောင့် ပြည်သူ​တွေ စားဝတ်​နေ​ရေး အခက်အခဲ မရှိ​စေဖို့ ရည်ရွယ်ပြီး လှူဒါန်းခဲ့တာပါ။" ဟု ရှမ်းပြည်နယ် ပြည်သူလူထုစားနပ်ရိက္ခာ ​ထောက်ပံ့​ရေး​ကော်မတီမှ ဦးသူရ​စောသိန်းက ​ပြောသည်။

.

ယင်းကဲ့သို့ လှူဒါန်းရာတွင် Stay at Home ဧရိယာရှိ အိမ်​ထောင်စု ၃၅၀ အတွက် ဆန် ၃ ပြည်ဝင် ၃၅၀ အိတ်၊ ဆီ ၂၀ ကျပ်သားစီပါဝင်သည့် ၃၅၀ ဘူး၊ ဆား ၄၀ ကျပ်သားစီပါ ၃၅၀ ထုပ်၊ လက်သန့်​ဆေးရည် ၃၅၀ ဘူးတို့ကို ရပ်ကွက် အုပ်ချုပ်​ရေးမှူးမှ တဆင့် လှူဒါန်းခဲ့ခြင်း ဖြစ်သည်။

.

တောင်ကြီးမြို့၊ မင်္ဂလာဦးရပ်ကွက်မှ နယ်​မြေအချို့နှင့် လမ်းအချို့ကို ​တောင်ကြီးမြို့နယ် ပြည်သူ့ကျန်းမာ​ရေးဦးစီးဌာနမှ ဒီဇင်ဘာလ ၂၀ ရက်ထိ Stay at Home အမိန့် ထုတ်ပြန်ထား​ကြောင်း သိရသည်။

.

ရှမ်းပြည်နယ် ပြည်သူလူထုစားနပ်ရိက္ခာ ​ထောက်ပံ့​ရေး​ကော်မတီ အ​နေဖြင့် စတင် ဖွဲ့စည်း တည်​ထောင်ချိန်မှ ယ​နေ့အထိ စုစု​ပေါင်း ​ငွေကျပ် သိန်း​ပေါင်း ၁၈၀၀၀ ​ကျော် တန်ဖိုးရှိ စားနပ်ရိက္ခာများ၊ ကျန်းမာ​ရေး အ​ကာအကွယ် ပစ္စည်းများကို ရှမ်းပြည်နယ် အပါအဝင် မြန်မာနိုင်ငံရှိ ​ဒေသအချို့တွင် လှူဒါန်းပြီး ဖြစ်​ကြောင်း သိရသည်။

No comments:

Post a Comment

Journal Download

Photo of three cats