နန်းဝင်းရီ
.
ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့၊ မြို့ဦးကွက်သစ်၊ နယ်မြေ(၁)တွင် ယနေ့ (ဒီဇင်ဘာလ ၁၇ ရက်)၊ နေ့လယ် ၂ နာရီခန့်တွင် အဆောက်အဦ တစ်လုံး မီးလောင် ပျက်ဆီးမှု ဖြစ်ပွားခဲ့ကြောင်း သိရသည်။
.
ယင်း အဆောက်အဦမှာ ဟိုပုံးမြို့၊ တောင်ရပ်ကွက်တွင် ဆိုင်ကယ်ဆိုင် ပိုင်ရှင် ကိုကျော်မင်း ပိုင်ဆိုင်သည့် ဆိုင်ကယ်အပို ပစ္စည်းများ/အဟောင်းများအား ဂိုဒေါင်အဖြစ် ထားရှိကာ လူ နေထိုင်ခြင်း မရှိကြောင်း သိရသည်။
.
မီးလောင်ကျွမ်းမှုကြောင့် ဆုံးရှုံးမှု တန်ဖိုး ၉၀၀၀၀ ကျပ်ခန့် ရှိပြီး မီးသတ် တပ်ဖွဲ့ဝင်များ၊ ရဲတပ်ဖွဲ့ဝင်များ၊ ဒေသခံ ပြည်သူများက ဝိုင်းဝန်း မီးငြိမ်းသတ်ခဲ့မှုကြောင့် လူနှင့် တိရစ္ဆာန် ထိခိုက်မှု မရှိခဲ့ဘဲ လမ်းသွားလမ်းလာ တစ်ဦးက ဆေးလိပ်တိုအား မဆင်မခြင် ပစ်ချထားခဲ့ရာမှ မီး စတင် လောင်ကျွမ်းခြင်း ဖြစ်သည်ဟု မှုခင်းမှတ်တမ်းများအရ သိရသည်။
.
အဆိုပါ မီးလောင်ကျွမ်းမှုနှင့် ပတ်သက်၍ ဟိုပုံးမြို့မရဲစခန်းတွင် ရာဇသတ်ကြီးပုဒ်မ ၂၈၅ ဖြင့် အမှုဖွင့် စစ်ဆေး ဆောင်ရွက်လျက် ရှိကြောင်း သိရသည်။
