ရွာငံတွင် ငွေကျပ် ၁၂၅ သိန်း တန်ဖိုးရှိ ဘိန်းစိမ်းနှင့် ဘိန်းဆီခဲများ ဖမ်းမိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, November 7, 2020

ရွာငံတွင် ငွေကျပ် ၁၂၅ သိန်း တန်ဖိုးရှိ ဘိန်းစိမ်းနှင့် ဘိန်းဆီခဲများ ဖမ်းမိ

စုလှိုင်

.

ဓနုကိုယ်ပိုင်အုပ်ချုပ်ခွင့်ရဒေသ၊ ရွာငံမြို့နယ်တွင် နိုဝင်ဘာလ ၆ ရက်၊ နေ့လယ်ပိုင်းက ငွေကျပ် ၁၂၅ သိန်း တန်ဖိုးရှိ ဘိန်းစိမ်းနှင့် ဘိန်းဆီခဲများ ဖမ်းဆီးရမိခဲ့ကြောင်း သိရသည်။

.

.

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များသည် နိုဝင်ဘာလ ၆ ရက်၊ နေ့လယ် ၁ နာရီခွဲခန့်က သတင်းအရ သက်သေများနှင့်အတူ ရွာငံမြို့နယ်၊ ကျောက်ဂူပြင်ကျေးရွာအထွက် ရွာငံ-ကျောက်ဆည်သွားလမ်းပေါ် တွင် ရွာငံမြို့ဘက်မှ ကျောက်ဆည်မြို့ဘက်သို့ မန္တလေးတိုင်းဒေသကြီး၊ မတ္တရာမြို့နယ်၊ ဘိုကုန်းကျေးရွာနေသူများ ဖြစ်သည့် နိုင်အောင် မောင်းနှင်ပြီး ဒေါ်အေး စီးနင်းလိုက်ပါလာသည့် TOYOTA HILUX အမျိုးအစား မော်တော်ယာဉ် အား ရပ်တန့်စစ်ဆေးရှာဖွေရာ ယာဉ်ပေါ်တွင်သိုဝှက်သယ်ဆောင်လာသော ဘိန်းစိမ်းအလေးချိန် ၉ ကီလို၊ ဒေသကာလပေါက်စျေးတန်ဖိုးငွေကျပ် ၂၇ သိန်းနှင့် ဘိန်းဆီခဲအလေးချိန် ၇ ကီလို၊ ဒေသကာလပေါက်စျေး တန်ဖိုးငွေကျပ် ၉၈ သိန်းတို့အား ဖမ်းဆီးရမိခဲ့ခြင်းဖြစ်ကြောင်း သိရသည်။

.

အဆိုပါ မူးယစ်ဆေးဝါးများ ဖမ်းဆီးရမိမှုနှင့် ပတ်သက်၍ သယ်ဆောင်လာသူ ၂ ဦးအား ရွာငံမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေဖြင့် အမှုဖွင့်အရေးယူပြီး ကွင်းဆက်များ ဖော်ထုတ် စစ် ဆေးလျက်ရှိကြောင်း သိရသည်။

.

No comments:

Post a Comment

Journal Download

Photo of three cats

About