ဦးထိုက်​ဇော် ​သေဆုံးမှုနှင့် ပတ်သက်၍ ​ဝေဖန် ထင်​ကြေး​ပေးမှုများ မပြုလုပ်ရန် ​မေတ္တာရပ်ခံ

အမျိုးသားလွှတ်​တော်၊ ရှမ်းပြည်နယ် မဲဆန္ဒနယ်အမှတ်(၁)မှ NLD ပါတီ ကိုယ်စားပြု အနိုင် ရရှိခဲ့သည့် ဦးထိုက်​ဇော် ​သေဆုံးမှုနှင့် ပတ်သက်၍ ​ဝေဖန် ထင်​ကြေး ​ပေးမှုများ မပြုလုပ်ရန် ရှမ်းပြည်နယ် ​​ရွေး​ကောက်ပွဲ အောင်နိုင်​ရေး​ကော်မတီက ထုတ်ပြန်ခဲ့သည်။

.

ယခု အချိန်အခါသည် အမျိုးသားဒီမိုက​ရေစီ အဖွဲ့ချုပ်မှ ဖက်ဒရယ်ဒီမိုက​ရေစီ ပြည်​ထောင်စု တည်​ဆောက်ရန် တိုင်းရင်းသားများနှင့် လက်တွဲ တည်​ဆောက်​နေချိန် ဖြစ်​သော​ကြောင့် ယုံကြည်မှု မပျက်ယွင်း​စေရန် အဖြစ်မှန်အား တရားဝင် မ​ဖော်နိုင်မီ အချိန်ထိ ထင်​ယောင်ထင်မှား ဖြစ်​စေနိုင်သည့် ​ဝေဖန် ထင်​ကြေး​ပေးမှုများ မပြုလုပ်ရန် ​မေတ္တာရပ်ခံ​ကြောင်း ယင်း​ကြေညာချက်တွင် ​ဖော်ပြထားသည်။

.

ထို့အတူ ဦးထိုက်​ဇော် ​သေဆုံးမှုအတွက် မိသားစုနှင့် ထပ်တူ အထူးဝမ်းနည်း​ကြေကွဲ​ကြောင်းနှင့် အကြမ်းဖက် လုပ်ကြံ သတ်ဖြတ်မှုအား အပြင်းအထန် ရှုံ့ချ​ကြောင်းကိုလည်း ​​ဖော်ပြထားသည်။

.

ဦးထိုက်ဇော်သည် ယ​နေ့ ညနေ ၆ နာရီခွဲခန့်က ​​ကျောက်မဲမြို့နယ်၊ ပင်တိန်ကျေးရွာရှိ ၎င်း၏ နေအိမ်တွင် ရှိနေချိန် သေနတ်သမား ၂ ဦးက ဆိုင်ကယ်ဖြင့် ​​ရောက်ရှိလာပြီး လက်နက်ငယ်များဖြင့် ပစ်ခတ်ခဲ့ခြင်း​ကြောင့် ယာဘက်နို့အုံတွင် ကျည်​ဖောက်ဝင် ဒဏ်ရာ ရရှိကာ ​ဆေးရုံသို့ ပို့​ဆောင်စဥ် ​သေဆုံးခဲ့ရခြင်း ဖြစ်ကြောင်း သိရသည်။