ကျိုင်းတုံ-တာချီလိတ်ပြည်ထောင်စုလမ်းမကြီး၊ တာလေမြို့တွင်းလမ်းပိုင်းရှိ ပျက်စီးနေသည့် နေရာများအား ပြန်လည် ပြင်ဆင်

အောင်ကျော်မိုး (တာလေ)

.

ကျိုင်းတုံ-တာချီလိတ် ပြည်ထောင်စုလမ်းမကြီး၏ တာလေမြို့တွင်း လမ်းပိုင်းရှိ ပျက်စီးနေသည့် နေရာများနှင့် ယာဉ် မတော်တဆမှု အဖြစ်များသည့် နေရာများ၊ ယာဉ်အဝင်အထွက်များသည့် လမ်းဆုံနေရာများအား ယာဉ်အန္တရာယ် ကင်းရှင်းစေရေးနှင့် အများပြည်သူ ဘေးကင်းစွာ သွားလာနိုင်ရေးအတွက် သော်တာဝင်းကုမ္ပဏီနှင့် တာလေမြို့နယ်ခွဲ စည်ပင်သာယာရေးဌာန တာဝန်ရှိသူများ ပူးပေါင်းဆောင်ရွက်လျက်ရှိကြောင်း သိရသည်။

.

.

မိုးတွင်းကာလများအတွင်းက မိုးရွာသွန်းမှုကြောင့် လမ်းပျက်စီးမှုများ ရှိခဲ့ပြီး ယာဉ်မတော်တဆမှုများ မကြာခဏ ဖြစ်ပွားခဲ့ရာ ယခုအခါ ယင်း ပျက်စီးနေသော လမ်းပိုင်းများကို ပြန်လည်ပြင်ဆင်နေခြင်းဖြစ်ကြောင်း သိရသည်။

.

အဆိုပါ လမ်းပိုင်း ပြန်လည်ပြုပင်မွမ်းမံခြင်းလုပ်ငန်းများ ဆောင်ရွက်ပြီးပါက ယာဉ်များ ဘေးအန္တရာယ် ကင်းစွာ မောင်းနှင်သွားလာနိုင်မည်ဖြစ်ပြီး လမ်းဘေးဝဲယာများတွင် လမ်းညွှန်ဆိုင်းဘုတ်၊ အမှတ်အသား တပ်ဆင်ခြင်း လုပ်ငန်းများကိုလည်း ဆောင်ရွက်ခဲ့ပြီးဖြစ်ကြောင်း သိရသည်။

.

အဆိုပါ ပြင်ဆင်မွမ်းမံမှု လုပ်ငန်းများကို သော်တာဝင်းကုမ္ပဏီက တာဝန်ယူဆောင်ရွက်လျက်ရှိပြီး လမ်းသတ်မှတ် စံချိန်စံညွှန်းနှင့်အညီ ပြီးစီးရေး၊ အများပြည်သူ ဘေးအန္တရာယ် ကင်းရှင်းစွာ မောင်းနှင်သွားလာနိုင် ရေးအတွက် စနစ်တကျ ဆောင်ရွက်လျက်ရှိကြောင်း သိရသည်။

.