ဦးထိုက်​ဇော် ​သေဆုံးမှုနှင့် ပတ်သက်၍ ​ပြင်းထန်စွာ ရှုတ်ချ​ကြောင်း SNLD ​ကြေညာချက် ထုတ် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, November 22, 2020

ဦးထိုက်​ဇော် ​သေဆုံးမှုနှင့် ပတ်သက်၍ ​ပြင်းထန်စွာ ရှုတ်ချ​ကြောင်း SNLD ​ကြေညာချက် ထုတ်

အမျိုးသားလွှတ်​တော်၊ ရှမ်းပြည်နယ် မဲဆန္ဒနယ်အမှတ်(၁)မှ NLD ပါတီ ကိုယ်စားပြု အနိုင် ရရှိခဲ့သည့် ဦးထိုက်​ဇော် ​သေဆုံးမှုနှင့် ပတ်သက်၍ ကျူးလွန်သူအား ​ပြင်းထန်စွာ ရှုတ်ချ​ကြောင်း ရှမ်းတိုင်းရင်းသားများ ဒီမိုက​ရေစီအဖွဲ့ချုပ်(SNLD)က ယ​နေ့ နိုဝင်ဘာလ ၂၂ ရက်တွင် ​ကြေညာချက် ထုတ်ပြန်ခဲ့သည်။

.



ပစ်ခတ်လုပ်ကြံမှု​ကြောင့် ကွယ်လွန်သွား​သော ဦးထိုက်​​ဇော်၏ မိသားစုနှင့် အတူ ​ကြေကွဲ ဝမ်းနည်းရပြီး အကြမ်းဖက် လုပ်ရပ်အား ကျူးလွန်သူကိုလည်း ပြင်းထန်စွာ ရှုတ်ချသည်ဟု ​ကြေညာချက်တွင် ​ဖော်ပြထားသည်။

.

ထို့အတူ လုပ်ကြံ သတ်ဖြတ်သူကို အ​ရေးယူ အပြစ် ​ပေးနိုင်​ရေးအတွက် တာဝန် ရှိသူတို့က လျင်မြန်စွာ စုံစမ်း ​ဖော်ထုတ်​ပေးရန်နှင့် ​ကျောက်မဲ​ဒေသတွင် အလားတူ အကြမ်းဖက် လုပ်ရပ်များ နှစ်စဥ် မကြာခဏ ​ပေါ်​ပေါက်လျက် ရှိသည်ကိုလည်း ထိထိ​ရောက်​ရောက် ဟန့်တား အ​ရေးယူ ​ဆောင်ရွက်​ပေးရန် ​ကြေညာချက်တွင် တိုက်တွန်းထားသည်။

.

ဦးထိုက်ဇော်သည် နိုဝင်ဘာလ ၂၁ ရက်၊ ညနေ ၆ နာရီခွဲခန့်က ​​ကျောက်မဲမြို့နယ်၊ ပင်တိန်ကျေးရွာရှိ ၎င်း၏ နေအိမ်တွင် ရှိနေချိန် သေနတ်သမား ၂ ဦးက ဆိုင်ကယ်ဖြင့် ​​ရောက်ရှိလာပြီး လက်နက်ငယ်များဖြင့် ပစ်ခတ်ခဲ့ခြင်း​ကြောင့် ယာဘက်နို့အုံတွင် ကျည်​ဖောက်ဝင် ဒဏ်ရာ ရရှိကာ ​ဆေးရုံသို့ ပို့​ဆောင်စဥ် ​သေဆုံးခဲ့ရခြင်း ဖြစ်ကာ ၄င်းသည်  ၂၀၂၀ ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်ပါတီ ကိုယ်စားပြုအဖြစ် အမျိုးသားလွှတ်တော် ရှမ်းပြည်နယ်မဲဆန္ဒနယ်အမှတ် (၁) မှ ရွေးကောက်ပွဲ ဝင်ရောက်ယှဉ်ပြိုင်ကာ အနိုင် ရရှိထားသူ ဖြစ်သည်။

No comments:

Post a Comment

Journal Download

Photo of three cats

About