ညောင်ရွှေတွင် အများပြည်သူလုံခြုံရေးအတွက် CCTV များတပ်ဆင် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, November 18, 2020

ညောင်ရွှေတွင် အများပြည်သူလုံခြုံရေးအတွက် CCTV များတပ်ဆင်

မင်းဇော်မင်း

.

ညောင်ရွှေမြို့နယ်တွင် အများပြည်သူလုံခြုံရေးအတွက် CCTV ကင်မရာများ တပ်ဆင်ပြီး ယနေ့ နိုဝင်ဘာလ ၁၈ ရက်၊ နံနက်ပိုင်းက ညောင်ရွှေမြို့မရဲစခန်းသို့ အပ်နှံခဲ့သည်ဟု သိရသည်။

.



.

အဆိုပါ CCTV ကင်မရာ အပ်နှံပွဲ အခမ်းအနားတွင် ရှမ်းပြည်နယ် ဟိုတယ်နှင့်ခရီးသွား ညွန်ကြားမှု ဦးစီးဌာနမှ ညွှန်ကြားရေးမှူး ဦးထင်အောင်နိုင်က ညောင်ရွှေမြို့မရဲစခန်းသို့ အပ်နှံခဲ့ခြင်းဖြစ်ကြောင်း သိရသည်။

.

“အများပြည်သူလုံခြုံရေးအတွက်သာမက နိုင်ငံခြားနဲ့ ပြည်တွင်း ခရီးသွားတွေ အတွက်ပါ ရည်ရွယ်ပါတယ်။ ရဲစခန်းက ၂၄ နာရီလုံး တာဝန်ယူဆောင်ရွက်မှာ ဖြစ်ပါတယ်” ဟု ညောင်ရွှေမြို့မရဲစခန်းမှူး ဒုရဲမှူး သောင်းထွေးက ကမ္ဘောဇတိုင်းသို့ ပြောသည်။

.

ရှမ်းပြည်နယ်အစိုးရ၏ စီမံမှုဖြင့် ရှမ်းပြည်နယ်ခရီးသွားမြှင့်တင်ရေး ရန်ပုံငွေမှ ၅ ရာခိုင်နှုန်း ထုတ်ယူသုံးစွဲငွေ ကျပ်သိန်း ၆၄၀ ဖြင့် CCTV ၆၄ လုံး အား ညောင်ရွှေမြို့၏ လမ်းဆုံ၊ မြို့ထိပ် စသည့်အဓိကနေရာ ၁၇ နေရာတွင်တပ်ဆင်ခဲ့ခြင်းဖြစ် ကြောင်းသိရသည်။

.

ယင်း CCTV ကင်မရာများကို ပြည်လုံးကျော်ကုမ္ပဏီက တာဝန်ယူတပ်ဆင်ခဲ့ခြင်းဖြစ်ပြီး လွှဲပြောင်းပွဲအခမ်းအနားသို့ ဌာနဆိုင်ရာနှင့်ကုမ္ပဏီတာဝန်ရှိသူ ၂၅ ဦး တက်ရောက်ခဲ့ကြောင်း သိရသည်။

.

No comments:

Post a Comment

Journal Download

Photo of three cats

About