နောင်ချိုမြို့နယ်တွင် ငွေကျပ် သိန်း ၂၀၀၀ ကျော်တန်ဖိုးရှိ မူးယစ်ဆေးဝါးများ ဖမ်းဆီးရမိ

ကမ္ဘောဇတိုင်း

.

ကျောက်မဲခရိုင်၊ နောင်ချိုမြို့နယ်၊ နောင်ချို-မန္တလေးကားလမ်း၊ ရွှေညောင်ပင်ကျေးရွာအဝင်တွင် နိုဝင်ဘာလ ၁၆ ရက်၊ နံနက်ပိုင်းက ငွေကျပ် သိန်း ၂၀၀၀ ကျော် တန်ဖိုးရှိ မူးယစ်ဆေးဝါးများ ဖမ်းဆီးရမိခဲ့ကြောင်း သိရသည်။

.

.

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များသည် နိုဝင်ဘာလ ၁၆ ရက်နေ့ နံနက် ၉ နာရီခွဲ အချိန်ခန့်က နောင်ချိုမြို့နယ်၊ နောင်ချို-မန္တလေးသွား ကားလမ်း၊ ရွှေညောင်ပင်ကျေးရွာအဝင်တွင် မူးယစ်ဆေးဝါးသတင်းအရ သီပေါမြို့နယ်မှ မန္တလေးမြို့သို့ ချစ်မျိုးခိုင်မောင်းနှင်ပြီး စိုးခိုင် လိုက်ပါသော LIFAN အမျိုးအစား မော်တော်ယာဉ်ကို စစ်ဆေးရှာဖွေရာ ယာဉ်ကိုယ်ထည်ကြမ်းခင်းအောက်တွင် အံဝှက်ပြုလုပ်ထားပြီး ၎င်းအတွင်း၌ ဘိန်းဖြူ ၁၄ ဒသမ ၃ ကီလို နှင့် စိတ်ကြွရူးသွပ်ဆေးပြား ၁၆၀၀၀ ပြားတို့ကို ထည့်သွင်းသယ်ဆောင်လာသည်ကို ဖမ်းဆီးရမိခဲ့ခြင်း ဖြစ်ကြောင်း သိရသည်။

.

အဆိုပါ မူးယစ်ဆေးဝါးများ ဖမ်းဆီးရမိမှုနှင့် ပတ်သက်၍ ချစ်မျိုးခိုင်နှင့် စိုးခိုင်တို့အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများ ဆိုင်ရာဥပဒေအရ အမှုဖွင့်အရေးယူထားရှိကြောင်း၊ သိရသည်။

.