ကလောမြို့နယ်၊ အင်းပြင်ကျေးရွာတွင် မီးလောင်မှုဖြစ်ပွား

ခွန်သန်းအောင်

.

ကလောမြို့နယ်၊ လွယ်အံ့ကျေးရွာအုပ်စု၊ အင်းပြင်ကျေးရွာတွင် ယနေ့ နိုဝင်ဘာလ ၄ ရက်၊ နံနက် ၁၀ နာရီခွဲ အချိန် ခန့်က အဲယားကွန်း ဆေ့ကတ် အပူလွန်ကဲရာမှ မီးလောင်မှု ဖြစ်ပွားခဲ့ကြောင်း သိရသည်။

.

.

အင်ပြင်ကျေးရွာရှိ အိမ်ရှင် ဦးနေယု၏ နေအိမ်တွင် တပ်ဆင်ထားသော အဲယားကွန်း ဆေ့ကတ် အပူလွန်ကဲရာမှ ဝါယာ ရှော့ခ်ဖြစ်ကာ မီးလောင်ကျွမ်းခဲ့ခြင်းဖြစ်ပြီး မီးလောင်မှုကြောင့် ဦးနေယု၏ ၃၀ x ၂၀ ပေ တစ်ထပ်နံကပ် သွပ်မိုးနေအိမ် မီးလောင်ကျွမ်းခဲ့ကာ လူနှင့် တိရစ္ဆာန် ထိခိုက်ဒဏ်ရာရ သေဆုံးမှု မရှိခဲ့ကြောင်း သိရသည်။

.

မီးလောင်မှုနှင့် ပတ်သက်၍ မီးပေါ့ဆစွာ သုံးစွဲသူ ဦးနေယု အား ကလောမြို့မရဲစခန်းတွင် ရာဇသတ်ကြီးဥပဒေပုဒ်မ ၂၈၅ ဖြင့် အမှုဖွင့်အရေးယူနိုင်‌ရေး ဆောင်ရွက်လျက်ရှိကြောင်း သိရသည်။

.