နန့်ပန်တက် စစ်ဆေးရေးဂိတ်တွင် ယာဉ်နောက်လိုက် တစ်ဦးထံမှ COVID -19 ပိုးတွေ့

စုလှိုင်

.

ကလောမြို့နယ်၊ နန့်ပန်တက်ကျေးရွာ စစ်ဆေးရေးဂိတ်တွင် ယနေ့ နိုဝင်ဘာလ ၁၈ ရက်က ယာဉ်နောက်လိုက်တစ်ဦး ထံမှ COVID-19 ရောဂါပိုး တွေ့ရှိခဲ့ကြောင်း သိရသည်။

.

.

“နန့်ပန်တက် မှာ တစ်ယောက် တွေ့ပါတယ်” ဟု ကလောမြို့နယ် ပြည်သူ့ဆေးရုံမှ ဒေါက်တာ စောမြတ်သစ္စာ ကကမ္ဘောဇတိုင်း သို့ ပြောသည်။

.

အဆိုပါ COVID-19 ပိုးတွေ့လူနာမှာ အသက် ၂၅ နှစ်ရှိ ယာဉ်နောက်လိုက်ဖြစ်ပြီး ရန်ကုန်မြို့မှ အေးသာယာမြို့သို့ ထွက်ခွာလာခြင်းဖြစ်ကာ ၎င်းနှင့်အတူ လိုက်ပါလာသူ ယာဉ်မောင်းကို ကလောမြို့ Quarantine Center သို့ ပို့ဆောင် ထားကြောင်း သိရသည်။

.

ရှမ်းပြည်နယ်တောင်ပိုင်းဒေသအတွင်းသို့ ဝင်ရောက်လာသော မော်တော်ယာဉ်များမှ ယာဉ်မောင်းနှင့် ယာဉ် နောက်လိုက်များ၊ ယာဉ်ပေါ်ပါလာသူများအား နန့်ပန်တက်စစ်ဆေးရေးဂိတ်တွင်လည်းကောင်း၊ ရှမ်းပြည်နယ် တောင်ပိုင်းမှ အခြားဒေသသို့ ထွက်ခွာမည့် မော်တော်ယာဉ်များမှ ယာဉ်မောင်း၊ ယာဉ်နောက်လိုက်နှင့် ယာဉ်ပေါ် ပါသူများကို ကလောစစ်ဆေးရေးဂိတ်တွင်လည်းကောင်း Rapid Test Kit ဖြင့် COVID-19 ရောဂါပိုး ရှိ/မရှိ စစ်ဆေးပေးနေခြင်းဖြစ်ကြောင်း သိရသည်။

.