ရှမ်းပြည်နယ်ဗုဒ္ဓတက္ကသိုလ်တွင် International Meeting Hall ဆောက်လုပ်ရန် ကမ္ဘောဇဘဏ်မှ လှူဒါန်း - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ရှမ်းပြည်နယ်ဗုဒ္ဓတက္ကသိုလ်တွင် International Meeting Hall ဆောက်လုပ်ရန် ကမ္ဘောဇဘဏ်မှ လှူဒါန်း

ရှမ်းပြည်နယ်ဗုဒ္ဓတက္ကသိုလ် အစည်းအဝေးခန်းမဆောင် ဆောက်လုပ်ရန် မြေသန့်မင်္ဂလာ၊ ပန္နက်ရိုက်မင်္ဂလာနှင့် အုတ်မြစ်တော်စီ မင်္ဂလာနှင့် အလှူ‌ငွေလှူဒါန်းခြင်း အခမ်းအနားကို နိုဝင်ဘာ ၃၀ ရက်၊ နံနက်ပိုင်း၌ ဗုဒ္ဓတက္ကသိုလ်ရှိ International Meeting Hall ဆောက်လုပ်မည့် နေရာတွင် ကျင်းပ ပြုလုပ်ခဲ့‌သည်။

.



အခမ်းအနားတွင် ဗုဒ္ဓတက္ကသိုလ်ပါမောက္ခချုပ်၊ အောက်စဖို့ဒ်ဆရာတော်ဒေါက်တာ အရှင်ဓမ္မသာမိ အမှူးပြုသော၊ဆရာတော် သံဃာတော် အရှင်သူမြတ်များနှင့် အလှူရှင် ကမ္ဘောဇဘဏ်နာယက ဝဏ္ဏကျော်ထင်၊ စည်သူ၊ သရေစည်သူ ဦးအောင်ကိုဝင်းနှင့် အရာထမ်း ဝန်ထမ်းများ တက်ရောက်ခဲ့ကြသည်။

.

ရှေးဦးစွာ ဆရာတော်ထံမှ ဧည့်ပရိသတ်များက ငါးပါးသီလ ခံယူ ဆောက်တည်ကြပြီး ဆရာတော် သံဃာတော် အရှင်သူမြတ်များက အန္တရာယ်ကင်း ပရိတ်တရားတော်များကို ရွတ်ပွား သရဇ္ဈာယ် ချီးမြှင့်တော်မူကြကာလှူဒါန်းမှု အစုစုအတွက် ရေစက်သွန်းချအမျှ ပေးဝေခဲ့ကြပြီး မင်္ဂလာအချိန်နံနက် ၈ နာရီ ၉ မိနစ်တွင် အောက်စဖို့ဒ်ဆရာတော် အမှူးပြုသော ဆရာတော်သံဃာတော်များက ဇယန္တောဗောဓိယာမူလေအစီချီဂါထာများကို ရွတ်ဖတ်ပူဇော်၍၊ အောက်စဖို့ဒ်ဆရာတော်၊ အလှူရှင် ကမ္ဘောဇဘဏ်နာယက ဦးအောင်ကိုဝင်းနှင့် အကြီးတန်းအုပ်ချုပ်မှုဒါရိုက်တာ ဦးညိုမြင့်တို့က ပန္နက်တင်ခြင်း မင်္ဂလာ၊ ရွှေပေစာ ငွေပေစာဌာပနာခြင်း မင်္ဂလာနှင့် ရတနာအုတ်မြစ်တော်စီခြင်း မင်္ဂလာများကို အသီးသီးပြုလုပ်ဆောင်ရွက်ခဲ့ကြပြီး ဗုဒ္ဓသာသနံစိရံတိဋ္ဌတု သုံးကြိမ်ရွတ်ဆိုဆုတောင်း၍ အခမ်းအနားကို ရုပ်သိမ်းခဲ့ကြောင်း သိရသည်။

.



ယနေ့ ကျင်းပပြုလုပ်သည့် ရှမ်းပြည်နယ်ဗုဒ္ဓတက္ကသိုလ် ပါမောက္ခချုပ် အစည်းအဝေးခန်းမဆောင် ဆောက်လုပ် လှူဒါန်းမှုအတွက်မ္ဘောဇဘဏ်မှ အလှူငွေကျပ်သိန်း ၈၀၀၀ လှူဒါန်းခဲ့ပြီး၊ ယခင်ကလည်း ဗုဒ္ဓတက္ကသိုလ်ဘွဲ့နှင်းသဘင် ဆောက်လုပ်ခြင်းအတွက် အလှူငွေကျပ်သိန်း ၂၄၀၀၀ ၊ ဗုဒ္ဓတက္ကသိုလ်ငွေပဒေသာပင် စိုက်ထူခြင်းအတွက် လှူဒါန်းငွေ ကျပ်သိန်း ၃ ထောင်၊ စုစုပေါင်းအလှူငွေကျပ်သိန်း ၃၅၀၀၀ လှူဒါန်းထားရှိကြောင်း သိရသည်။

.

ကမ္ဘောဇဘဏ်သည် နိုင်ငံတော်နှင့် ပြည်သူအတွက် လူမျိုးမရွေး၊ ဘာသာမရွေး၊ နေရာဒေသမရွေး၊ ကဏ္ဍအသီးသီးတွင် အလှူငွေ စုစုပေါင်း ၁၇၆ ဘီလီယံကျော် လှူဒါန်းခဲ့ကာ ဆက်လက်၍လည်း လိုအပ်သည့်အချိန်၊ လိုအပ်သည့်နေရာ၊ လိုအပ်သည်များကို အချိန်နှင့် တစ်ပြေးညီ စဉ်ဆက်မပြတ်  လှူဒါန်းသွားရန် စီစဉ်ထားရှိကြောင်း သိရသည်။

Journal Download

Photo of three cats