မိုးမိတ်တွင် ပထမဆုံး COVID-19 လူနာတစ်ဦး စတင်တွေ့ရှိ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

မိုးမိတ်တွင် ပထမဆုံး COVID-19 လူနာတစ်ဦး စတင်တွေ့ရှိ

ချမ်းမင်းအေး (မိုးမိတ်)

.

မိုးမိတ်မြို့နယ်တွင် နိုဝင်ဘာလ ၂၅ ရက်၊ ညပိုင်းက ပထမဆုံး COVID-19 လူနာတစ်ဦး စတင်တွေ့ရှိခဲ့ကြောင်း မြို့နယ် ကျန်းမာရေးဦးစီးဌာနမှ သိရသည်။

.

.

မိုးမိတ်မြို့၊ လက်ခုတ်တန်းရပ်ကွက်နေသူတစ်ဦးသည် အနံ့အသက် မရသဖြင့် နိုဝင်ဘာလ ၂၅ ရက်၊ ည ၉ နာရီခန့်က မြို့နယ်ပြည်သူ့ဆေးရုံသို့ လာရောက်ပြသရာမှ မြို့နယ်ပြည်သူ့ဆေးရုံတွင် Rapid Test Kit ဖြင့် စစ်ဆေးခဲ့ရာ COVID-19 ရောဂါပိုး တွေ့ရှိခဲ့ခြင်းဖြစ်ပြီး ၎င်းနှင့် ထိတွေ့ခဲ့သူ ၄ ဦးအား ဆက်လက်စစ်ဆေးရာတွင် ရောဂါပိုး တွေ့ရှိခြင်း မရှိကြောင်း သိရသည်။

.

အဆိုပါ ပိုးတွေ့လူနာအား မိုးမိတ်ပြည်သူ့ဆေးရုံရှိ COVID-19 လူနာများ သီးခြားထားရှိရာ သံဃာဆောင်တွင် ထားရှိ ဆေးကုသမှု ပေးလျက်ရှီပြီး ၎င်းနှင့်ထိတွေ့ခဲ့သည့် အတူနေမိသားစုဝင် ၄ ဦးနှင့် ထိတွေ့ခဲ့သူ ၄ ဦး၊ စုစုပေါင်း ၈ ဦး တို့အား မိုးမိတ်မြို့၊ အထက (၂) ရှိ Quarantine Center တွင် အသွားအလာ ကန့်သတ်စောင့်ကြည့်လျက်ရှိကြောင်း သိရသည်။

.

Journal Download

Photo of three cats