ကလောနှင့် နန့်ပန်တက်စစ်ဆေးရေးဂိတ်တို့တွင် ယာဉ်မောင်းနှင့် ယာဉ်နောက်လိုက် ၅ ဦးထံမှ COVID-19 ပိုး တွေ့ရှိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, November 13, 2020

ကလောနှင့် နန့်ပန်တက်စစ်ဆေးရေးဂိတ်တို့တွင် ယာဉ်မောင်းနှင့် ယာဉ်နောက်လိုက် ၅ ဦးထံမှ COVID-19 ပိုး တွေ့ရှိ

စုလှိုင်

.

ကလောမြို့နယ် ကလောနှင့် နန့်ပန်တက်စစ်ဆေးရေးဂိတ်တို့တွင် ယနေ့ နိုဝင်ဘာလ ၁၃ ရက်က ယာဉ်မောင်းနှင့် ယာဉ်နောက်လိုက် ၅ ဦးတို့ထံမှ COVID-19 ရောဂါပိုး တွေ့ရှိခဲ့ကြောင်း သိရသည်။

.

.

“နန့်ပန်တက်က ၄ ယောက်၊ ကလောက ၁ ယောက်၊ စုစုပေါင်း ဒီနေ့တွေ့တာ ၅ ယောက်ပါ၊။ နန့်ပန်တက်မှာ တွေ့တာ တွေက ရန်ကုန်ပြန်ပါ။ ကလောမှာ တွေ့တဲ့တစ်ယောက်ကတော့ အေးသာယာက လာတာ။ ကလောဆေးရုံမှာပဲ ထားမယ်။ နောက်ဆုံးတွေ့တဲ့ တစ်ယောက်ကတော့ အစီရင်ခံစာ မတက်လာသေးဘူး။ အခုလေးပဲ တွေ့တာပါ” ဟု နန့်ပန်တက်စစ်ဆေးရေးဂိတ် တာဝန်ကျ ဒေါက်တာ စောမြတ်သစ္စာက ကမ္ဘောဇတိုင်းသို့ ပြောသည်။

.

နန့်ပန်တက်စစ်ဆေးရေးဂိတ်တွင် တွေ့ရှိခဲ့သော COVID-19 ပိုးတွေ့လူနာ ၄ ဦးမှာ အသက် ၃၄ နှစ်၊ ၃၉ နှစ်၊ ၂၄ နှစ်နှင့် ၂၈ နှစ်အရွယ်ရှိ ယာဉ်မောင်းနှင့် ယာဉ်နောက်လိုက်များဖြစ်ပြီး ကလောစစ်ဆေးရေးဂိတ်တွင် တွေ့ရှိသူမှာ အသက် ၂၈ နှစ်အရွယ် ယာဉ်နောက်လိုက်ဖြစ်ကာ ၎င်းတို့နှင့် ထိတွေ့ခဲ့သူ ၃ ဦးတို့ကိုလည်း ကလော Quarantine Center သို့ ပို့ဆောင်ပေးထားကြောင်း သိရသည်။

.

ရှမ်းပြည်နယ်တောင်ပိုင်းဒေသအတွင်းသို့ ဝင်ရောက်လာသော မော်တော်ယာဉ်များမှ ယာဉ်မောင်းနှင့် ယာဉ် နောက်လိုက်များ၊ ယာဉ်ပေါ်ပါလာသူများအား နန့်ပန်တက်စစ်ဆေးရေးဂိတ်တွင်လည်းကောင်း၊ ရှမ်းပြည်နယ် တောင်ပိုင်းမှ အခြားဒေသသို့ ထွက်ခွာမည့် မော်တော်ယာဉ်များမှ ယာဉ်မောင်း၊ ယာဉ်နောက်လိုက်နှင့် ယာဉ်ပေါ် ပါသူများကို ကလောစစ်ဆေးရေးဂိတ်တွင်လည်းကောင်း Rapid Test Kit ဖြင့် COVID-19 ရောဂါပိုး ရှိ/မရှိ စစ်ဆေးပေးနေခြင်းဖြစ်ကြောင်း သိရသည်။

.

No comments:

Post a Comment

Journal Download

Photo of three cats

About