နန့်ပန်တက် စစ်ဆေးရေးဂိတ်တွင် ယာဉ်မောင်း ၂ ဦးထံမှ COVID -19 ရောဂါပိုး ထပ်မံတွေ့ရှိပြီး တစ်ရက်အတွင်း ပိုးတွေ့သူ ၃ ဦး ရှိလာ

စုလှိုင်

.

ကလောမြို့နယ်၊ နန့်ပန်တက်စစ်ဆေးရေးဂိတ်တွင် ယနေ့ နိုဝင်ဘာလ ၂၂ ရက်၊ နေ့လယ်ပိုင်းက ယာဉ်မောင်း ၂ ဦးထံမှ COVID-19 ရောဂါပိုး ထပ်မံတွေ့ရှိပြီး တစ်ရက်အတွင်း အဆိုပါဂိတ်မှ ပိုးတွေ့လူနာ ၃ ဦး ရှိလာပြီဖြစ်ကြောင်း သိရသည်။

.

.

“မနက်က တွေ့တဲ့ တစ်ယောက်နဲ့ ဆိုရင် ၃ ဦး ရှိသွားပါပြီ။ သူတို့ကို ကလောဆေးရုံမှာပဲ ကုမှာပါ” ဟု ကလောမြို့နယ် အထွေထွေအုပ်ချုပ်ရေးဦးစီးဌာနမှ ဒုတိယမြို့နယ်အုပ်ချုပ်ရေးမှူး ဦးကျော်စန်းယုက ကမ္ဘောဇတိုင်းသို့ ပြောသည်။

.

အဆိုပါ ပိုးတွေ့လူနာ ၂ ဦးမှာ ရန်ကုန်မြို့နေ အသက် ၂၆ နှစ်အရွယ် အမျိုးသားနှင့် အေးသာယာမြို့နေ အသက် ၂၅ နှစ် အရွယ် အမျိုးသားတို့ ဖြစ်ကြပြီး ရန်ကုန်မှ တောင်ကြီးသို့ လာရောက်မည့် ကုန်တင်ယာဉ်များမှ ယာဉ်မောင်းများ ဖြစ်ကြ ကြောင်း သိရသည်။

.

ထို့အပြင် ယင်း ပိုးတွ့လူနာ ယာဉ်မောင်း ၂ ဦးနှင့် ထိတွေ့ခဲ့သည့် ယာဉ်နောက်လိုက် ၂ ဦးတို့ကိုလည်း ကလောမြို့၊ ဓမ္မယာန Quarantine Center သို့ ပို့ဆောင်ထားကြောင်း သိရသည်။

.